Railway Rishvat Kaand Daaga Do Dinon Ke Remand Par

India »

Railway Rishvat Kaand Daaga Do Dinon Ke Remand Par

pramukh samvaadadaata . Patiala house railway rishvatakhori maamale mein giraftaar aaropi susheel daaga ko CBI ne court mein pesh kar remand par bheje jaane ki maang ki. Adaalat ne daaga ko 2 dinon ke liye CBI remand par bhej diya. Is maamale mein poorv rel mantri pavan Kumar bansal ke bhaanje vijay singala samet anya ko pehle hi giraftaar kiya ja chuka hai. Mande ko CBI ne daaga ko special judge svarn kaanta sharma ki adaalat mein pesh kiya aur usase poochhataachh ke liye use remand par bheje jaane ki maang ki. Adaalat ne daaga ko 22 May tak ke liye remand par bheja hai. Adaalat ko CBI ne bataaya ki daaga ko ravivaar ko giraftaar kiya gaya aur ab baraamad dastaavejon ke baare mein usase poochhataachh karni hai. Yah pata karna hai ki rishvat ki rakam ki vyavastha kahaan se ki gayi. Gaurtalab hai ki kathit roop se daaga ne rishvat ki rakam ke hisse ki vyavastha ki thi. Ye rakam railway board ke meinbar mahesh Kumar ko meinbar (ilektrikl) banaane ke liye vijay singala ko diye the. Daaga ke staaf vivek Kumar ko CBI ne rishvat ki rakam saunpate hue giraftaar kiya gaya tha. Adaalat ne 16 May ko daaga ke khilaaf gairajamaanati vaurant jaari kiya tha. Is beech singala sahit 9 aaropiyon ko adaalat mein pesh kiya gaya aur unki nyaayik hiraasat badhaane ki maang ki gayi. Adaalat ne sabhi aaropiyon ki nyaayik hiraasat ki avadhi 1 May tak ke liye badha di hai.

Railway Rishvat Kaand Daaga Do Dinon Ke Remand Par https://www.angrejinews.com/pic/9174