Railway Line Par Mila Shav, Hatya Ki Aashanka

India »

Railway Line Par Mila Shav, Hatya Ki Aashanka

enabeeti news . Hisaar soorya nagar ilaake mein shukravaar ki raat ek yuvak ki int maar-maarkar hatya kar di gayi. Hatya karne ke baad yuvak ke shav ko paas hi railway line par daalkar hatya ko haadasa dikhaane ki koshish ki gayi. Shanivaar subah aaspaas ke logon ne shav ko dekhkar turant police ko soochana di. Shav ke sir par chot ke gahre ghaav the. Mauke par pahunchi police ne mrutak ki pehchaan hisaar ke gaanv raajali nivaasi mohan laal ke roop mein ki. Bataaya ja raha hai ki peshe se traiktar chaalak mohan laal (32) avivaahit tha aur kaafi samay se sooryanagar mein parijanon ke saath kiraae ke makaan mein rah raha tha. Mohan laal ke bade bhaai sukhabeer Singh ne bataaya ki vah shukravaar ki shaam apne maama ke saath kisi kaam ke silsile mein gaya tha, lekin der raat tak vaapas naheen aaya. Unhonne bataaya ki usaki kisi se ranjish bhi naheen thi. Mauke par mile sabooton ke aadhaar par police ise hatya ka maamala maankar chal rahi hai. Shav ko dekhkar lagta hai ki yuvak ki hatya sir mein intane maar-maar kar ki gayi hai. Sab inspector ranadheer Singh ne bataaya ki mrutak ke bhaai ke anusaar mohan ki jeb se mobile aur 2-3 hajaar rupaye gaayab mile hain. Maamala lootpaat ke baad hatya ka bhi ho sakta hai.

Railway Line Par Mila Shav, Hatya Ki Aashanka https://www.angrejinews.com/pic/5494