Railway Badhe Kiraae Ke Badle Dega Poori Suvidha

Business »

Railway Badhe Kiraae Ke Badle Dega Poori Suvidha

Vishesh samvaadadaata . . Nai Delhi rel kiraae mein badhotri ke baad aalochanaaon ke ghere mein aae railmantri pavan Kumar bansal chaahate hain ki rel yaatra ke dauraan yaatriyon ko behtar suvidhaaen milein taaki unhein badha huaa kiraaya 'Sukhad' lage. Bansal ne railway ke sabhi mahaaprabandhakon se kaha hai ki ve trainon mein catering, safaai aur suraksha vyavastha par khaas dhyaan dein. Mahaaprabandhakon ke do divseeya sammelan mein trainon mein catering aur safaai ke mudde par charcha ke dauraan bansal khud unke beech baithe. Is dauraan unhonne mahaaprabandhakon ki samasyaaen suneen aur unke samaadhaan ke aashvaasan ke saath unase saaf-saaf kaha ki khaanapaan, safaai aur suraksha ke mudde par koi samjhauta naheen kiya jaaega. Railway board ke ek senior adhikaari ke mutaabik, khaanapaan seva ko durust karna railmantri ki praathamiktaaon mein se ek hai. Train mein kharaab khaana milne par shikaayat ke liye tol free number to hai hi, railway board mein khaanapaan seva ki nigraani ke liye ek alag 'Sel' banaaya gaya hai. Iske alaava jonal hedakvaurtar aur divijnal hedakvaurtar par shikaayat nigraani sel banaae gaye hain. Yahi naheen railway ke adhikaariyon ne pichhle 6 maheene mein 17394 baar auchak nireekshan kiye hain. Nae jan aahaar aautalet bhi khole gaye hain. Rel yaatriyon ko achha aur taaja khaana mile, iske liye railway parisaron mein hi base kichin kholne ki taiyaari chal rahi hai. Saaf-safaai ki vyavastha ke saath-saath kachara prabandhan par bhi jor diya gaya hai. Yah bhi sunishchit kiya jaaega ki yaatriyon ko train mein unhein upalabdh karaae jaane vaale bhojan ki keemat ki raseed bhi mile. Khaanapaan seva ki kharaab haalat ke chalte hi railway ne aaiaaraseeteesi se khaanapaan seva vaapas le li thi. Railway board ka daava hai ki pehle hi tulana mein shikaayaton mein bhaari kami I hai. Bansal ne kaha ki trainon ki onabord safaai ke saath-saath yaatriyon ko diye jaane vaale 'Bedarol' ki safaai ki bhi kaaragar vyavastha honi chaahiye. Iske liye railway nae 'Vaushing plant' lagaane par vichaar kar raha hai.

Railway Badhe Kiraae Ke Badle Dega Poori Suvidha https://www.angrejinews.com/pic/4594