Railmantri, Kavita Aur Hangaama

Breaking »

Railmantri, Kavita Aur Hangaama

Nai Delhi: Rel mantri pavan Kumar bansal jab apna rel bajat bhaashan taiyaar kar rahe the to unhein shaayad yah hargij andaaja naheen hoga ki vah jis kavita ki pankti ko padhne ja rahe hain usamein jataai gayi aashanka sahi saabit hogi. Unhonne rel bajat pesh karte samay dushyant ki panktiyaan padhi, 'Hangaama khada karna mera maksad naheen, koshish hai ki soorat badalani chaahiye. ' lekin in panktiyaan ki aashanka Loksabha mein sahi saabit ho gayi kyonki bansal vipaksh ke hangaame ke kaaran apna rel bhaashan poora naheen kar sake. Bansal ne rel bajat ke dauraan jin panktiyon ko apni prerana ka srot bataaya vah kristeen vaidarli ki kavita 'The saang of the engine' se li gayi theen. Angreji mein likhi gayi is kavita ka anuvaad kuchh is prakaar hai : 'Jab aap rel mein safar karte hain, aur rel pahaad par chadhti hai, to sirf engine ki aavaaj suniye. Jo poori ichhaashakti ke saath aapko lekar oopar chadhta hai haalaanki yah bahut dheere-dheere chalta hai lekin yah ek chhota sa geet gaata hai : Main kar sakta hoon, main kar sakta hoon. ' Itna hi naheen, unhonne apne bhaashan ka samaapan bhi kristeen vaidarli ki isi kavita ki antim panktiyon se kiya. Haalaanki vipaksh ke hangaame ke kaaran antim panktiyon ko suna naheen ja saka. Yah antim panktiyaan is prakaar theen : Lekin baad ki yaatra mein. . . Engine abhi bhi ga raha hai. Agar aap behad shaanti se sunein. . . Aap yah chhota sa geet suneinge. . Mainne socha tha mainne kar diya. . Mainne kar diya. Aur vah daud padta hai.

Railmantri, Kavita Aur Hangaama https://www.angrejinews.com/pic/2899