Rahul Ne Samasyaaen Bataain, Samaadhaan Naheen

Breaking »

Rahul Ne Samasyaaen Bataain, Samaadhaan Naheen

Nai Delhi. . Udyog sangathan CII ke saalaana sammelan mein Congress ke upaadhyaksh Rahul Gandhi ne bhaarateeya shaasan vyavastha mein bhaari badlaav ki pairavi ki. Unhonne kaha ki samasyaaen jatil hain aur iske javaab bhi jatil hain. Koi bhi ek aadmi ek arab logon ki samasyaaen door naheen kar sakta hai, ek arab logon ko power deejiye samasyaaen khud-b-khud door ho jaaengi. Haalaank, ye badlaav kaise aaenge, iska koi thos upaaya Rahul naheen sujha paae. Apne bhaashan ke dauraan Congress upaadhyaksh ne paroksh roop se BJP aur Narendra Modi par nishaana saadhate hue kaha ki UPA ke shaasanakaal mein sabko saath lekar chalne ki koshish hui isliye pragati hui. Unhonne kaha ki alagaav ki raajaneeti band honi chaahiye, isse growth prabhaavit hoti hai. Rahul Gandhi ne kaha ki main pradhaanamantri banoonga ya naheen, main shaadi karoonga ya naheen, ye sab apraasangik aur gairjaroori savaal hain. Pehli baar kaurporet jagat se mukhaatib Rahul ne kaha ki 4000 hajaar vidhaayak aur 600-700 saansad milkar desh ko chala rahe hain. In kareeb 5000 logon ko 200-300 log (party ke log) chunate hain. Unhonne kaha ki hamaari raajaneetik vyavastha saansadon aur vidhaayakon ke liye bani hai. Hamein gaanvon ko saath lena hoga. Congress neta ne neeti nirmaan mein sabse nichle tabake ko jodne ki pairavi karte hue kaha ki neetiyaan banaane mein pradhaanon ki koi bhoomika naheen hai, jabki jameeni star par ve kaam karte hai. Unhonne kaha ki gaanv mein sabse aham pradhaan hai, lekin hamaari paartiyon mein uske liye jagah naheen hai. Hamaari paartiyaan panchaayati raaj vyavastha ke liye naheen bani hain. Is vyavastha ko badalna hoga. Vyakti keindrit vyavastha ko khaarij karte hue unhonne kaha ki yah jaroori naheen hai ki Rahul Gandhi kya sochata hai, jaroori yah hai ki laakhon log kya sochate hain. Rahul Gandhi ne kaha ki ham log sochate hain ki ghode par baitha koi shakhs aaega aur sabki samasyaaen door kar dega. Samasyaaen main se naheen, ham se door hongi. Rahul ne raajaneeti ke saath-saath shiksha vyavastha mein bhi bhaari badlaav ki vakaalat ki. Unhonne kaha ki hamaare yahaan puraatan cheejein padhaai ja rahi hain. Hamaari samasya berojgaari naheen hai, yuvaaon ko treind karna hamaare liye badi samasya hai. Congress upaadhyaksh ne kaha ki sarkaar akele kuchh naheen kar sakti hai, use udyog jagat ko madad ke liye aana hoga. Unhonne kaha,'Mujhe salaah di gayi thi ki Bhaarat-cheen ke beech tulana ke chakkar mein na padoon. Lekin main use naheen maanata. Cheen mein keindreekrut vyavastha hai. Cheen ko draigan kaha jaata hai aur Bhaarat ko haathi. Lekin ham madhumakkhi ke chhatte hain, haathi naheen. Hamein yah samajhna hoga ki taakat kahaan se aati hai. ' bhaashan ki shuruaat mein unhonne kaha ki duniya mein desh ko alag pehchaan dilaane ka shreya udyog jagat ko hi jaata hai. Rahul ne kaha, 'Saal 1991 mein main jab university gaya tha to koi bhi Bhaarat ko naheen jaanta tha, lekin ab yah sthiti naheen hai. Iske liye aap log (udyogapatiyon) dhanyavaad ke paatr hain. 'Likha huaa bhaashan padhne ke dauraan ek baar Rahul atak bhi gaye. Kareeb 10 second tak pej palatane ke baad jab unhonne bolna shuroo kiya to fir vah galat pej padh gaye. Iske baad unhonne fir apni baat shuroo ki.

Rahul Ne Samasyaaen Bataain, Samaadhaan Naheen https://www.angrejinews.com/pic/4429