Rahul Ne Agar Aadhe Vaadon Ko Bhi Poora Karaaya Hota To Congress Ki Aisi Haalat Naheen Hoti Varishth Party Neta

India »

Rahul Ne Agar Aadhe Vaadon Ko Bhi Poora Karaaya Hota To Congress Ki Aisi Haalat Naheen Hoti  Varishth Party Neta

Nai Delhi: Congress ke varishth neta kishor chandra Dave ne apni party ki maujooda haalat ke sandarbh mein kaha hai ki agar Rahul Gandhi ne upaadhyaksh banane ke baad kiye gaye aadhe vaayadon ko bhi poora karaaya hota to Congress ki yeh durdasha naheen hoti. paanch baar saansad rahane ke baad is baar Loksabha chunaav mein haar gaye nivartamaan keindreeya mantri Dave ne party adhyaksh soniya Gandhi aur Rahul Gandhi se is baat par aatmamanthan karne ko kaha. unhonne kaha, sabse badi puraani party ko jadon se kate aur doosaron ke sahaare badhne vaale netaaon ke changul se bachaane ki jaroorat hai, jinhonne do dashak se adhik samay se party par adhikaar jama rakha hai aur party ko is sthiti mein pahuncha diya hai. Dave ne PTI ko diye saakshaatkaar mein kaha ki Rahul Gandhi ne Jaipur mein upaadhyaksh banane ke baad sangathan ke badlaav par kaafi kuchh kaha tha. Agar party usamein se 50 pratishat par nirnaya le leti, to yeh haalaat naheen bante. Unhonne aarop lagaaya ki party aur uske netrutv par ek-do darjan logon ka kabja hai. Unhonne kaha ki Rahul ke saath Priyanka Gandhi ko bhi Congress ko in bandhanon se mukti dilaane ke liye kaam karna chaahiye. aadivaasi maamalon ke mantri ne kaha ki mahangaai aur ghotaalon ke chalte Congress neet gathabandhan par saakh ka sankat paida ho gaya tha. Party aur sarkaar apni kathani aur karni se in muddon par ho rahe dushprachaar ka prabhaavi tareeke se javaab naheen de sake. Seemaandhr mein party ki sthiti par gambhir aarop lagaate hue Dave ne kaha, Congress ko raajaneetik roop se jagan, vaaiesaaar Congress aur unke ek gut ko girvi rakh diya gaya aur lagbhag bech hi diya gaya. party mein poori tarah kuprabandhan ka aarop lagaate hue Dave ne kaha ki jahaan raajaneetik sthiti ki samajh kharaab rahi, vaheen raajya ke ek Congress prabhaari ne Congress adhyaksh ko galat jaankaari bhi di. Unhonne kaha ki prabhaari dvaara anek muddon par party adhyaksh ko bheje gaye nots ka bhi asar naheen pada. Dave ke mutaabik aam dhaarana bahut nakaaraatmak thi. Aam dhaarana yeh rahi ki Congress is vishvaas ke saath vaaiesaaar Congress ke saamane se hat gayi ki baad mein jaganamohan Reddy ko samjha leinge, lekin in cheejon se madad naheen mili. Unhonne kaha ki seemaandhr mein Congress ne chunaav ladne se pehle hi haar sveekaar kar li thi. unhonne kaha ki isi vajah se kai vidhaanasabha kshetron mein kamjor ummeedavaar khade kiye gaye aur AICC se milne waali aarthik madad bhi bahut kam thi. Congress ko Loksabha chunaav mein seemaandhr kshetr mein 25 mein se ek bhi seat par jeet naheen mili aur vidhaanasabha chunaavon mein bhi usaka pradarshan kharaab raha. Congress neta ne kaha ki Kerala aur Karnataka mein party ke achhe mukhyamantri hain aur unhonne behtar nateeje diye hain. Loksabha mein Congress ki kul 44 seaton mein se Karnataka mein nau aur Kerala mein aath hain.

Rahul Ne Agar Aadhe Vaadon Ko Bhi Poora Karaaya Hota To Congress Ki Aisi Haalat Naheen Hoti Varishth Party Neta https://www.angrejinews.com/pic/51704