Rahul Ki Madad Karein Priyanka Captain Amarindar Singh

Breaking »

Rahul Ki Madad Karein Priyanka  Captain Amarindar Singh

File photo File photo Nai Delhi: Congress ke nichle star ke kaaryakarta Priyanka Gandhi ko sakriya raajaneeti mein laane ki kai baar maang kar chuke hain, lekin ab yahi maang Punjab ke poorv mukhyamantri aur amrutasar ke saansad captain amarindar Singh ne bhi uthaai hai. Unhonne kaha hai ki ab Priyanka ko Rahul ki madad ke liye aage aana chaahiye. amarindar Singh ne Priyanka Gandhi ke raajaneeti mein sakriya hone ki aaj jordaar vakaalat karte hue kaha ki party ke faayde ke liye vah aur Rahul Gandhi ek doosare ke poorak ho sakte hain. unhonne kaha, 'Aise samay jab Bhaarat mein 70 feesadi log 40 saal se kam umr ke hain, donon milkar poorak bhoomikaaon mein kaam karein to hamein kaafi khushi hogi. ' unhonne kaha ki donon 'Jaankaar aur bhavishyavaadi' hain aur jaante hain ki duniya mein kya ho raha hai. Loksabha chunaav mein amrutasar seat par bhaajapa neta arun jetali ko paraajit karne vaale Punjab ke poorv mukhyamantri ne chunaav mein party ki haar par team Rahul ko nishaana banaae jaane ko 'Gairjaroori' bataate hue khaarij kar diya. Unhonne kaha ki yeh Rahul ko faisala karna hai ki vah Loksabha mein vipaksh ka neta banana chaahate hain ya naheen. Loksabha chunaav mein party ki karaari haar ki prushthabhoomi mein Priyanka Gandhi ko raajaneeti mein aage laae jaane ki maang Congress mein jor pakad rahi hai. isse pehle nivartamaan khaadya mantri kevi Thomas ne kaha tha, 'Congress ka sadasya hone ke naate main chaahata hoon ki Priyanka ko mukhya kaaryakshetr mein aana chaahiye. Unhein maan soniya Gandhi aur bhaai Rahul Gandhi ke saath team ke roop mein kaam karna chaahiye. '

Rahul Ki Madad Karein Priyanka Captain Amarindar Singh https://www.angrejinews.com/pic/51644