Rahul Ke Bachaav Mein Congress, Madhumakkhi Ko Bataaya 'Devi

Breaking »

Rahul Ke Bachaav Mein Congress, Madhumakkhi Ko Bataaya 'Devi

Nai Delhi. . Rahul Gandhi ke 'Madhumakkhi' vaale bayaan par Congress aur BJP ke beech ghamaasaan macha huaa hai. Gujarat ke mukhyamantri Narendra Modi ne shanivaar ko kaha ki desh madhumakkhi ka chhatta naheen maan hai, to ravivaar ko Congress neta Rahul ke bachaav mein madhumakkhi ki 'Mahaanata' saabit karne par utar aae. Soochana-prasaaran mantri maneesh tivaari ne madhumakkhi ko devi ka roop bata daala. Tivaari ne tweet kiya, 'Madhumakkhi devi ka ek roop hai. Devi ke is roop ko bhraamari kehte hain. Uttaraakhand mein devi ke is roop ka mandir bhi hai. ' maneesh tivaari ne Modi ke maan vaale bayaan par kaha ki unhein Rahul ki baat samajh naheen I. Baat unke sir ke oopar se nikal gayi. Maneesh tivaari ne twitter par likha ,'Madhumakkhi ke chhatte ka matlab hai bhaarateeya samaaj ke logon ki shakti. Unka aapas mein taalamel, saamanjasya aur ekta ke saath ek lakshya ke liye kaam karna. Ye baatein un logon ke sir ke oopar se gujar gain, jo andh raashtrabhakt ka daava karte hain. ' isse pehle Delhi ki CM sheela Dixit ne Modi ko baantane vaala vyakti karaar dete hue kaha ki vah Bhaarat ke lokaachaar ko naheen samajhte hain. Unhonne kaha ki Gujarat ke neta aur Rahul Gandhi ke beech koi tulana naheen ki ja sakti hai. 'Ek (Rahul) poori tarah se dharmanirpeksh hai aur doosra (Modi) poori tarah se saampradaayik hai. ' sheela ne Modi ko 'Taanaashaah' prakruti ka neta bataaya. Sheela Dixit ka bayaan aise samay mein aaya hai jab 2014 ke Loksabha chunaav mein BJP netaaon ka ek tabaka Modi ko party ke pradhaanamantri pad ka ummeedavaar banaae jaane par jor day raha hai. Delhi ki mukhyamantri ne kaha, 'Unke (Modi) baare mein aakalan karna kathin hai kyonki ve aatmaleen hai. Main samajhti hoon ki vah Bhaarat ke lokaachaar ko naheen samajhte hain. Main samajhti hoon ki ham bhaarateeya jeeyo aur jeene do ke darshan mein vishvaas rakhate hain. Main naheen samajhti ki ve iska pratinidhitv karte hain.

Rahul Ke Bachaav Mein Congress, Madhumakkhi Ko Bataaya 'Devi https://www.angrejinews.com/pic/4740