Rahul Gandhi Ne Inkaar Kiya, Unhonne Chunaav Aachaar Sanhita Ka Ullanghan Kiya Hai

Breaking »

Rahul Gandhi Ne Inkaar Kiya, Unhonne Chunaav Aachaar Sanhita Ka Ullanghan Kiya Hai

File photo File photo Nai Delhi : chunaav aayog ke kaaran bataao notice ke javaab mein samjha jaata hai ki Rahul Gandhi ne chunaav aachaar sanhita ka ullanghan karne se inkaar kiya. Aayog ne unhein unki us kathit tippani ke liye yeh notice diya tha ki agar bhaajapa satta mein aayi to 22 hajaar log hinsa mein maare jaayeinge. sootron ke anusaar aisa samjha jaata hai ki Congress upaadhyaksh ne aayog se kaha hai ki vah sirf bhaajapa ke baare mein logon ki dhaarana ka ullekh kar rahe the aur unhonne aadarsh aachaar sanhita ka koi ullanghan naheen kiya hai. chunaav aayog dvaara nau May ko jaari kiye gaye kaaran bataao notice ke mutaabik Rahul Gandhi ne ek May ko Himachal pradesh ke solan mein ek chunaavi rally ko sambodhit karte hue kathit roop se yeh kaha tha,''Japan ke log savaal poochhate hain. Ek dar hai hamein. Ham aapki madad kareinge. Sadke taiyaar kareinge. Ek dar hai kya yahaan par shaanti rahegi ya naheen . Kya Hindustan ke log ek doosare se lad jaayeinge ya naheen. Ye dar hai hamaare jindagi mein. Agar bhaajapa hogi to ladaai hogi bhaajapa hogi to 22000 log maare jaayeinge. Kyonki ve gussa failaate hain. Ve krodh failaate hain aur ye savaal pehle kabhi naheen uthata tha. '' bhaajapa ne Rahul Gandhi ki is tippani ke khilaaf chunaav aayog mein shikaayat ki thi. Is par aayog ne Rahul Gandhi ko notice diya tha aur unase mangalvaar tak javaab dene ko kaha tha lekin Rahul Gandhi ke anurodh par aayog ne yeh samay seema aaj subah tak ke liye badha di thi.

Rahul Gandhi Ne Inkaar Kiya, Unhonne Chunaav Aachaar Sanhita Ka Ullanghan Kiya Hai https://www.angrejinews.com/pic/50671