Rahul Gandhi Ka Daava, Dikshanari Mein Aaya Naya Shabd Modilie, Bataaya Matlab

Breaking »

Rahul Gandhi Ka Daava, Dikshanari Mein Aaya Naya Shabd Modilie, Bataaya Matlab

Nai Delhi Loksabha chunaav ke aakhiri charan ke matadaan se pehle raajaneetik dalon ne ek doosare par hamle tej kar diye hain. Isi kadi mein Congress adhyaksh Rahul Gandhi kuchh 'Naya' lekar aae hain. Congress adhyaksh ne ek tasveer share karte hue likha hai ki dikshanari mein Modilie naam ka ek naya shabd aaya hai. Rahul ne daava kiya ki iska matlab lagaataar aadatan jhooth bolna hota hai. Ise bina naam liye unka pradhaanamantri Narendra Modi par tanj maana ja raha hai. Dekhein, Rahul ne chalaaya traiktar, amarindar bhi savaar Budhvaar ko Rahul ne tweet kar likha, 'English dikshanari mein ek naya shabd aaya hai. Us entry ki tasveer neeche di gayi hai. ' neeche di gayi tasveer mein Modilie likha hua tha. Jiska matlab 'Lagaataar sach se chhedchhaad', 'Aadatan jhooth bolna' aadi bataaya gaya tha. Tasveer mein dikshanari ke side mein Congress ka prachaar karta vigyaapan bhi dikh raha hai, jismein Rahul Gandhi ki tasveer bhi hai. Haalaanki, jab dikshanari mein humne yeh shabd khojane ki koshish ki to vahaan aisa kuchh naheen tha. Rahul ka tweet Bata dein ki isse pehle Rahul ne Punjab ke baragaari mein janasabha bhi ki thi, jismein unhonne kendra sarkaar ke saath Modi par hamla bola tha. Rahul ne kaha ki PM Narendra Modi ko lagta hai ki sirf ek shakhs desh chala sakta hai, jabki sachchaai yeh hai ki log is desh ko chala rahe hain. Unhonne aage kaha ki ek samay Modi poorv PM Manmohan Singh ka majaak udaate the, lekin ab paanch saal baad poora desh unka majaak uda raha hai. Jaitley ko bhi kaha tha Jaitlie Rahul Gandhi ne isse pehle keindreeya mantri Arun Jaitley par aisa hi hamla kiya tha. Tab Rahul ne raafel, mehul chaukasi aadi muddon par unapar 'Jaitlie' likhkar tanj kasa tha.

Rahul Gandhi Ka Daava, Dikshanari Mein Aaya Naya Shabd Modilie, Bataaya Matlab https://www.angrejinews.com/pic/274764