Rahul Bol Chuke, Ab CII Ke Manch Se Boleinge Modi

Breaking »

Rahul Bol Chuke, Ab CII Ke Manch Se Boleinge Modi

Nai Delhi. . Congress neta Rahul Gandhi ki mejabaani karne ke baad udyog mandal CII Gujarat ke mukhyamantri Narendra Modi ko discussion ka nyauta dene ka ichhuk hai. CII ke adhyaksh kris gopaalakrushnan se yah poochhe jaane par ki kya udyog mandal Gujarat ke mukhyamantri ko invaait karna chaahega, unhonne kaha, 'Ham 'Vibrant Gujarat' sammelan ke dauraan Modi ke saath kaam kar chuke hain. CII is sammelan ke praayojakon mein se ek tha. Isliye ham chaaheinge ki vah aaen. ' gopaalakrushnan ne kaha, 'Ham (CII) sabhi paartiyon aur sabhi netaaon ke saath kaam kareinge. Ham sabhi diggaj netaaon ko invaait karne ki sambhaavana talaash rahe hain. ' bata dein ki Rahul Gandhi ne 4 April ko CII ki saalaana aamasabha mein desh ke diggaj udyogapatiyon ko sambodhit kiya tha jismein unhonne udyog aur raashtra se jude kai muddon par dil kholkar baat rakhi thi. Rahul ke sambodhan ke kuchh hi dinon ke bheetar Modi ne ek doosare udyog mandal FICCI ke manch ka istemaal kar desh ke saamane apni baat rakhi thi. Gopaalakrushnan ne kaha ki udyog mandal ko sabhi raajaneetik dalon ke saath judkar rahana hota hai aur unhein apni jarooratein bataani hoti hain. Gopaalakrushnan ne kaha, 'Hamein netaaon ke saath jude rahana hota hai. Hamein unhein apne anurodh evam jarooratein bataani hoti hain. Sujhaav dene hote hain. Isi tarah, hamein unki baatein sunani hoti hain. Unki apni praathamiktaaen hoti hain aur apne agende hote hain. ' unhonne kaha, 'Yah baatcheet mahaj ek dal ke saath naheen, balki sabhi dalon ke saath bahut mahatvapoorn hai aur hamein ummeed hai ki ham aur adhik baatcheet kareinge jahaan ham ek-doosare se baatcheet kar sakte hain.

Rahul Bol Chuke, Ab CII Ke Manch Se Boleinge Modi https://www.angrejinews.com/pic/6284