Rahul Aadarshavaadi, Modi Behtar Prashaasak Naaraayanamoorti

Breaking » Wednesday, April 10, 2013

archana rai /kaartik subbaaramanabeingaluru. . Infosys ke faaundar N. Aar. Naaraayanamoorti ki rai mein Congress aur BJP- donon mein se koi dal sachmuch mein secular hone ka daava naheen kar sakte. Haalaanki, unhonne pradhaanamantri pad ke donon sambhaavit ummeedavaaron Narendra Modi aur Rahul Gandhi ko oonche ank diye. Raajaneetik masale par apne durlabh interview mein moorti ne Gujarat ke mukhyamantri aur Congress upaadhyaksh donon ka samarthan kiya. Unhonne kaha ki donon neta business kamyuniti ko atraikt karte hain, jo gavarneins ki kharaab haalat aur sust ikanaumik growth se ukata chuki hai. Moorti ne kaha, 'Masala yah naheen hai ki kaun jyaada secular hai. Hamaara savaal yah hoga ki kiski leadership desh ko behtar bana sakti hai? Mujhe lagta hai ki Rahul Gandhi aur Modi behtar kaam kareinge. ' pichhle kuchh dinon mein Modi aur Gandhi ne Bhaarat ke business leedars ko sambodhit karte hue vikaas par apni-apni rai pesh ki hai. Haalaanki, Loksabha chunaav mein abhi ek saal ka samay baaki hai, lekin BJP aur Congress donon is jang ke liye khud ko taiyaar karne mein jut gayi hain. Moorti ne kaha ki vah kisi ka paksh naheen leinge. Unhonne Modi aur Gandhi donon ko nek iraadon vaala shakhs bataaya, jinhein vah achhe se jaante hain. Unhonne kaha, 'Mujhe lagta hai ki donon mein se koi behtar salaahakaaron ke saath desh mein positive badlaav laane mein saksham hain. Rahul Gandhi bahut aadarshavaadi aur kaafi behtar insaan hain. Kamjor tabake ke logon ke liye vah vaakai fikramand hain. Modi behtar prashaasak hain. Vah khule dimaag ke shakhs hain. Unhonne Gujarat mein dikhaaya hai ki ek aadmi apni chhaap chhod sakta hai. ' moorti ki rai thi ki logon khaastaur par madhyavarg mein aise prashaasan ki hasarat hai, jo kuchh thos nateeja pesh kar sake. Unhonne kaha, 'Aap ise dekh chuke hain. Log Gujarat ke baare mein baat kar rahe hain. ' 1981 mein Infosys ki neenv rakhakar ise teen dashakon tak desh ki sabse pratishthit company ke roop mein barkaraar rakhane vaale moorti ne kaha ki saakh mein giraavat filhaal desh ki sabse badi chunauti hai. Unhonne kaha, 'Mujhe lagta hai ki desh mein sthaayi taur par kaanoon ka shaasan ho, yah kaafi aham hai. Haalaanki, ham ab tak aisa naheen kar paae hain. ' unke mutaabik, sirf charcha aur vishleshan ke bajaay aikshan desh ki samasyaaon ko door karne ka sabse behtar tareeka hai. Vah ab bhi maheene mein 20 din safar karte hain. Unhonne kaha, 'Main aapko aisi kitni misaalein day sakta hoon, jismein desh isliye pichhda raha, kyonki ham aikshan yaani cheejon ko karne mein yakeen naheen rakhate hain. '