Rafel Ke Liye Abhi Aur Intajaar

India »

Rafel Ke Liye Abhi Aur Intajaar

Ranjit Kumar . Nai Delhi vaayusena ko rafel ladaakoo vimaanon ke liye saadhe teen saal aur yaani 2016 tak intajaar karna hoga. France ki dasaalt company aur bhaarateeya raksha mantraalaya ke beech vimaan ke saude ko lekar paida vivaad ke maddenajar baatcheet is saal ke ant tak chalne ke sanket yahaan vaayusainik adhikaariyon ne diye hain. May-June tak ki thi ummeed : Is saal ke shuroo mein vaayusenaadhyaksh air cheef maarshal N A ke brown ne May-June tak saudebaaji poora kar lene ka bharosa dilaaya tha. Vaayusena ke liye France se 126 ladaakoo vimaanon ka sauda pichhle saal ke ant tak hi sampann ho jaana chaahiye tha, lekin ab yahaan vaayusainik afsaron ka kehna hai ki sauda ke liye chal rahi vaarta saal ke ant tak poori ho paaegi. Iske baad dasaalt company ko order milne par vaayusena ko pehla rafel ladaakoo vimaan teen saal baad hi mil paaega. Chunaav aae to aur hogi deri : Raksha sootron ke mutaabik, agar sauda sampann karne mein deri hui aur sansadeeya chunaavon ka ailaan ho gaya to sauda aur lamba tal sakta hai. Aisi haalat mein kendra mein nai sarkaar par hi yah faisala chhoda ja sakta hai. France ki dasaalt company ke rafel ladaakoo vimaanon ko 6 companiyon ke beech pehli jagah par rakhakar saude ke liye pichhle saal February mein hi aamantrit kiya gaya tha, lekin saude ke vibhinn pahaluon ke beech dasaalt aur bhaarateeya raksha mantraalaya mein vivaad paida ho jaane se saude ko lekar shanka jaahir ki jaane lagi thi. Isse bachane ke liye hi do maheene pehle France ke raashtrapati ne Bhaarat ka daura kar pradhaanamantri Manmohan Singh se yah bharosa haasil kiya tha ki yah sauda jald sampann kiya jaaega. Is hod mein ameriki ef-16 aur ef-18, sveedish gripen, roosi mig-35 aur chaar Europeeya deshon ka taaifoon shaamil the. 15 se 20 arab dollar ka sauda : Shuroo mein is saude ke liye saadhe das arab dollar tay kiye gaye the lekin ab yah sauda 15 se 20 arab dollar tak ka ho sakta hai. Isliye yah sauda hathiyaane ke liye ameeriki, roosi, british , jarman aur sveedish sarkaaron ne Bhaarat par gahra raajanayik dabaav daala tha. Lekin pichhle saal rafel ko sabse pehle sthaan par rakh kar Bhaarat ne sab ko chaunka diya tha. Vaayusena ke liye 126 meediym malti range kambait eyarakraaft (emaemaaaraseee) ke mool teindar mein sauda jeetne waali company ko 18 vimaan khud bana kar saplaai karne ka praavadhaan tha jab ki baaki 108 ka nirmaan Hindustan eronautiks se karavaane ka prastaav tha. In 18 vimaanon ke nirmaan ka kaam sauda jeetne waali company pakka order milne ke baad hi shuroo karegi isliye yah maana ja raha hai ki agar is saal ke ant tak koi raajaneetik adchan naheen I to vaayusena ko pehla rafel vimaan 2016 ke ant tak hi mil paaega, lekin iske saath hi rafel ke Bhaarat mein utpaadan ke liye Hindustan eronautiks ki or se bhi taiyaari ki jaaegi. Saudebaaji ke dauraan dasaalt ne kaha ki choonki 108 vimaanon ka utpaadan Bhaarat mein hoga isliye iski kvaaliti ki jimmedaari vah naheen legi. Dasaalt ke is prastaav ko Bhaarat ne naheen maana ki vah Hindustan eronautiks ko keval kalapurjon ki saplaai hi karegi. Bhaarat ne dasaalt se kaha hai ki sabhi 126 vimaanon ke nirmaan ke liye ek karaar hi kiya jaaega.

Rafel Ke Liye Abhi Aur Intajaar https://www.angrejinews.com/pic/5686