Raayabareli Mein Congress Workers Mein Bhara Priyanka Ne Josh

India »

Raayabareli Mein Congress Workers Mein Bhara Priyanka Ne Josh

bhaasha. Raayabareli : Congress ki star prachaarak Priyanka Gandhi vaadra ne apni maan aur Congress adhyaksh soniya Gandhi ke sansadeeya kshetr ke do divseeya daure ke doosare din guruvaar ko party kaaryakartaaon se bheint ki. Unhonne kaaryakartaaon ko 16 May se prastaavit janasanpark kaaryakram 'Congress aapke dwaar' ko kaamayaab banaane ke liye jaroori nirdesh bhi diye. Congress party ke sootron ne bataaya ki Priyanka ne party ke sthaaneeya netaaon aur varishth kaaryakartaaon se mulaakaat ke dauraan party ke prastaavit janasanpark abhiyaan 'Congress aapke dwaar' ki taiyaariyon ki jaankaari li. Priyanka ne Congress kaaryakartaaon ko abhiyaan ko safal banaane aur Loksabha chunaav mein Congress ko jyaada se jyaada seatein dilaane ki taiyaari mein ji-jaan se jutne ka nirdesh diya. Sootron ke anusaar 'Congress aapke dwaar' kaaryakram ke dauraan party kaaryakarta gaanv-gaanv jaakar chaupaal lagaaenge aur logon ko kendra sarkaar ki kalyaanakaari yojanaaon ki jaankaari deinge. Delhi ravaana hone se pehle Priyanka ne Congress ke jila aur pradesh samiti ke sadasyon se bhi mulaakaat ki aur unase sangathan se jude vishyon par charcha ki.

Raayabareli Mein Congress Workers Mein Bhara Priyanka Ne Josh https://www.angrejinews.com/pic/8250