Raashtreeya Aapaatakaal Ghoshit Karne Mein Koi Jaldabaaji Naheen Trump

World »

Raashtreeya Aapaatakaal Ghoshit Karne Mein Koi Jaldabaaji Naheen Trump

Washington Ameriki raashtrapati daunald trump ne Mexico se lagi seema par deevaar nirmaan ke liye 5.7 arab dollar ke kosh ko Congress se manjoori milne ki ummeed jataai aur kaha ki seema suraksha ke mudde par raashtreeya aapaatakaal ghoshit karne mein vah jaldabaaji naheen kareinge. Trump ne haalaanki jor diya ki raashtreeya aapaatakaal ghoshit karne ka adhikaar unke paas hai lekin saath mein yeh bhi kaha ki vah ab bhi chaahate hain ki Congress deevaar nirmaan ke liye kosh ko manjoori de. Gaurtalab hai ki trump ne Budhvaar ko kaha tha ki raashtreeya aapaatakaal ghoshit karna aakhiri vikalp hai. Haalaanki, unhonne vivaadit America-Mexico seema deevaar nirmaan ke liye 5.7 arab dollar ke kosh ko manjoori na dene par aisa karne (raashtreeya aapaatakaal ghoshit karne) ki dhamaki bhi di. Raashtreeya aapaatakaal se sambandhit savaal par trump ne patrakaar se kaha, 'Main is par jaldabaaji naheen karne wala. ' saath hi unhonne kaha ki unhein aisa karne ka adhikaar hai. Unhonne kaha ki demokrets ko 'Vaapas aakar ispar matadaan karna chaahiye. ' Is maheene ameriki Congress ke 116vein satr ki shuruaat hai. Vipakshi demokrets ka pratinidhi sabha mein bahumat hai tatha is prastaav par rok lagaane ke liye senet mein bhi achhi khaasi sankhya hai. Ameriki raashtrapati ne vaait house mein golamej vaarta ke dauraan kaha tha, 'Ham chaahate hain ki Congress apna kaam kare. Filhaal ham raashtreeya aapaatakaal ghoshit naheen kar rahe hain. '

Raashtreeya Aapaatakaal Ghoshit Karne Mein Koi Jaldabaaji Naheen Trump https://www.angrejinews.com/pic/247303