Raashtrapati Se Milkar Aaj Sarkaar Banaane Ka Daava Pesh Kareinge Narendra Modi Sootr

Breaking »

Raashtrapati Se Milkar Aaj Sarkaar Banaane Ka Daava Pesh Kareinge Narendra Modi  Sootr

File photo File photo Nai Delhi: BJP neta Narendra Modi mangalvaar ko raashtrapati se milkar sarkaar banaane ka daava pesh karne ki taiyaari mein hain. Sootron ne iski jaankaari dete hue bataaya ki Modi 25 May se 27 May ke beech pradhaanamantri pad ki shapath grahan kar sakte hain. Haalaanki is sambandh mein abhi taareekhon ki aadhikaarik ghoshana naheen ki gayi hai. BJP ke navanirvaachit 282 Loksabha sadasyon sahit party ke Rajyasabha sadasya bhi 63 varsheeya Modi ko apna neta chunane ke liye mangalvaar dopahar sansad ke 'Keindreeya sabhaagaar' mein jama honge. Iske turant baad BJP ke sahayog dal ke saansad bhi vahaan ekatr honge aur sabhi milkar Modi ko raajag ka neta chuneinge. baad mein gathabandhan ka pratinidhimandal raashtrapati se milkar unhein donon sansadeeya samoohon ke faisale se vaakif karaaega. Isse raashtrapati ki or se Modi ko sarkaar banaane ke liye aamantrit karne ka raasta khulega. Narendra Modi filhaal Delhi mein hain aur pichhle do dinon se apne bhaavi mantrimandal ke svaroop ko lekar manthan kar rahe hain. Yahaan sarkaar banaane ko lekar lagaataar teen din se gahan charcha chal rahi hai aur Modi khud sabhi netaaon se milkar baatcheet kar rahe hain. Loksabha chunaav parinaam aane ke baad pehli baar BJP neta Sushma Swaraj ne Gujarat bhavan mein Modi se bheint ki. Bhaavi pradhaanamantri se arun jetali aur amit shaah ke alaava kalyaan Singh ne bhi bheint ki. Tamil Nadu mein BJP sahayogi vaaiko ne bhi Modi se bheint ki, haalaanki vah chunaav haar gaye hain. Vaaiesaaar Congress ke pramukh jaganamohan Reddy ne bhi Modi se mulaakaat ki aur unka sarkaar ko 'Mudda aadhaarit' samarthan dene ki baat kahi. sootron ka daava hai ki mantrimandal banaane ki rananeeti Modi ne apne tak hi seemit rakhi hai. kal hone vaale chunaav ke baad Modi shaam mein Ahmedabad jaaenge. Vah 21 May ko Gujarat ke mukhyamantri pad se isteefa deinge aur raajya mein Gujarat bhaajapa vidhaayak dal ke nae neta ka chunaav bhi isi din hoga. sootron ka kehna hai ki Modi ki kareebi vishvaasapaatr aur raajasvamantri aanandeeben Patel mukhyamantri pad ke daud mein sabse aage hain.

Raashtrapati Se Milkar Aaj Sarkaar Banaane Ka Daava Pesh Kareinge Narendra Modi Sootr https://www.angrejinews.com/pic/51105