Raashtrapati Ne Sabhi 7 Daya Yaachikaaen Niptaain, 5 Mein Faansi Barkaraar

Breaking »

Raashtrapati Ne Sabhi 7 Daya Yaachikaaen Niptaain, 5 Mein Faansi Barkaraar

Nai Delhi. . Raashtrapati pranav mukharji ne unke paas peding padeen sabhi saat daya yaachikaaon par faisala suna diya hai. 5 maamalon mein faansi ki saja barkaraar rakhi gayi hai, jabki do mein raahat dete hue saja ko umrakaid mein badla gaya hai. Raashtrapati ne jo daya yaachikaaen khaarij ki hain unamein se ek Haryana ke dharmapaal ki bhi hai. Rape mein doshi thaharaae gaye Haryana ke dharmapaal ne parol par riha hone ke baad rape peedita parivaar ke paanch sadasyon ki hatya kar di thi. Dharmapaal ki daya yaachika 14 saal se peinding padi thi. Sootron ke mutaabik use agale hafte faansi di ja sakti hai. Raashtrapati pranav mukharji ke paas 7 daya yaachikaaen peding padi theen. In saat maamalon mein kul 9 logon ko faansi ki saja sunaai gayi thi. Raashtrapati ne samvidhaan ke aartikl 72 ke tahat apni power ka istemaal karte hue in sabhi daya yaachikaaon par faisala suna diya. Ismein aur kis-kis ki faansi barakaar rakhi gayi hai, iski abhi poori deetel naheen mil paai hai. Gaurtalab hai ki gruh mantraalaya ne raashtrapati ko bheji gain saat daya yaachikaaon mein se 5 ko khaarij karne aur do ko taaumr kaid mein badalne ki sifaarish ki thi. Ismein umrakaid ka matlab 14 ya 20 saal ki saja naheen, balki marne tak jail mein rahane se tha. Raashtrapati ne gruh mantraalaya ki sifaarish ko manjoor kar liya. Kaun-kaun se hain ye saat maamale gurameet sinh: UP ke gurameet Singh ko 17 August 1986 ko ek parivaar ke 13 logon ki hatya ke maamale mein faansi ki saja di gayi thi. Suresh aur raamajee: UP ke ek anya maamale mein suresh aur raamaji ko apne bhaai ke parivaar ke paanch logon ki hatya mein maut ki saja di gayi thi. Relooraam puniya hatyaakaand: Haryana ke is bahucharchit hatyaakaand mein poorv vidhaayak relooraam pooniya samet parivaar ke aath sadasyon ki unki beti soniya aur daamaad sanjeev ne hi jahar dekar hatya kar di thi. Ismein relooraam pooniya ke alaava unki patni Krishna, bete suneel, bahoo shakuntala, beti Priyanka, 4 saal ke pote lokesh, dhaai saal ki poti shivaani aur dedh maheene ki preeti ki maut ho gayi thi. Is maamale mein faansi ki saja sunaai gayi thi. Sundar sinh: Uttaraakhand ke sundar Singh ko dushkarm ke baad hatya ke maamale mein maut ki saja di gayi thi. Jafar alee: Uttar pradesh ke jafar Ali ko 2002 mein patni aur paanch betiyon ki hatya ke maamale mein maut ki saja di gayi thi. Dharmapaal ka maamalaa: Ismein Haryana ke dharmapaal ka bhi maamala hai. Dharmapaal ne 1993 mein ek ladki se rape kiya aur jab vah bail par chhoota to usane ladki ke parivaar ke 5 logon ki hatya kar di thi. Praveen kumaar: Karnataka ke praveen Kumar ne 23 February 1994 ko ek parivaar ke chaar logon ki hatya kar di thi. Is maamale mein use faansi ki saja sunaai gayi thi.

Raashtrapati Ne Sabhi 7 Daya Yaachikaaen Niptaain, 5 Mein Faansi Barkaraar https://www.angrejinews.com/pic/4363