Raamadev Bole, Rahul Se Shaadi Karne Ke Liye Koi Naheen Hai Taiyaar

Breaking » Friday, March 29, 2013

Rakesh baaleeanbaala. . Desh bhraman par nikle yog guru Baba raamadev jab shukravaar ko Ambala pahunche to khaali pandaal dekh bhaunchak rah gaye. Unke ikka-dukka kaaryakartaaon ke alaava koi naheen tha pandaal mein. Press conference mein haalaanki patrakaaron ki theek-thaak sankhya maujood thi, magar, raamadev jyaadaatar savaalon ke javaab taalate hi rahe. Haan, Rahul Gandhi par niji tippani karke unhonne jaroor nae vivaad ko nyota day diya. Ambala mein Baba raamadev ke liye lagaaya gaya lamba-chauda pandaal kareeb-kareeb khaali tha. Patrakaar vaarta me Baba un sabhi savaalon ka javaab dene se kataraate rahe jinse unhein kisi kaanutar ataik ka dar tha. Patrakaaron ne jab Baba se anna hajaare ke baare mein savaal kiya to unhonne bas itna hi kaha ki 'Anna hajaare ab boodhe ho gaye hain. Vah kisi baat ka javaab deri se dete hain. Aise mein unhein rahane do. ' Kejriwal ke baare Baba ne kaha ki 'Main kuchh unke baare bol gaya to fir vah bol dega. So vah bhi baat rahane do. ' Rahul Gandhi par yoon ki tippanee: Congress par nishaana saadhane mein unhonne koi kami naheen ki. Unhonne kaha ki Congress ne desh ko khokhala kar diya hai. Rahul Gandhi par bhi kaumeint karne se vah naheen chooke. Unhonne kaha, 'Kuchh log kehte hain Rahul ki shaadi isliye naheen ho rahi ki unhein koi ladki pansad naheen aati. Yah baat sach naheen. ' unhonne kaha, 'Sach yah hai ki koi ladki pansad naheen karti. ' sanjaya datt ki saja ki maafi ke baare mein jab unase unka stand poochha gaya to Baba ne peechha chhudaate hue kaha, 'No kaumeintas'. Teesare morche ke baare Baba ne kaha ki ye to kabhi na sambhav hone waali baat hai. Raamadev ki patrakaar vaarta se ek baat to saaf ho gayi ki Baba is samay apni dafali akele hi baja rahe hain.