Raajapakshe Ke Khilaaf Pradarshan Karne Par Emadeeemake Pramukh Vaaiko Hiraasat Mein

Breaking »

Raajapakshe Ke Khilaaf Pradarshan Karne Par Emadeeemake Pramukh Vaaiko Hiraasat Mein

Nai Delhi: emadeeemake pramukh vaaiko ne Narendra Modi ke shapath grahan samaaroh mein shaamil hone aae shreelankaai raashtrapati mahinda raajapakshe ke daure ke khilaaf aaj raashtreeya rajdhani mein pradarshan kiya aur nishedhaagya ka ullanghan karne par unhein aur unki party ke kareeb 100 kaaryakartaaon ko hiraasat mein liya gaya. pradarshanakaariyon ke ek dhade ne sansad maarg par yahaan Sri Lanka ka raashtreeya jhanda aur raajapakshe ki tasveerein bhi jalaain. NDA ke ghatak dal emadeeemake ke neta vaaiko ne samarthakon se kaha ki raajapakshe ki maujoodagi Modi ke shapath grahan samaaroh ki 'Pavitrata nasht' kar degi. Unhonne yeh bhi aarop lagaaya ki raajapakshe ne Sri Lanka mein tamilon ka narasanhaar kiya hai. vaaiko ne kaha, 'Humne apne bhaaiyon aur bahanon ko khoya hai. Unki (shreelankaai tamilon) barbarata se hatya ki gayi. Unhein (raajapakshe) kyon bulaaya jaana chaahiye? ' unhonne NDA se appeal ki ki shreelankaai mudde par UPA sarkaar ke raaste par naheen chala jaae. Unhonne kaha, 'Mujhe aasha hai ki Narendra Modi ji aur unki sarkaar UPA sarkaar ki madad se shreelankaai sarkaar dvaara kiye gaye aparaadh aur hamaare man ke dard ko samajhegi. ' haalaanki vaaiko ne kaha ki vah raajag sarkaar ke khilaaf naheen hain aur unhonne aaj pradhaanamantri ke roop mein shapath lene vaale Modi ko badhaai di. Unhonne kaha, 'Ham yahaan shapath grahan samaaroh ka virodh karne naheen aae hain. . Ham Modi ji ko is desh ko nai bulandiyon tak pahunchaane ke liye apni badhaai dete hain. ' iske baad vaaiko ko unke samarthakon ke saath nishedhaagya ke ullanghan par hiraasat mein le liya gaya. Emadeeemake pramukh vaaiko ne Modi ko ek patra likhkar aayojan ke liye raajapakshe ko aamantrit kiye jaane par apni naaraajagi jaahir ki thi.

Raajapakshe Ke Khilaaf Pradarshan Karne Par Emadeeemake Pramukh Vaaiko Hiraasat Mein https://www.angrejinews.com/pic/51796