Raajan Ne Jetali Se Mulaakaat Ki, Mudraasfeeti, Arthavyavastha Par Ki Charcha

Breaking »

Raajan Ne Jetali Se Mulaakaat Ki, Mudraasfeeti, Arthavyavastha Par Ki Charcha

Nai Delhi: reserve bank ke Governor raghuraam raajan ne aaj nae vitt mantri arun jetali se mulaakaat ki aur unke saath maujooda aarthik sthiti evam mudraasfeeti se jude muddon par charcha ki. yeh baithak kareeb 50 minute chali jo 3 June ko jaari hone waali dvimaasik maudrik neeti ki sameeksha se kuchh dinon pehle ho rahi hai. raajan ne baithak ke baad samvaadadaataaon se kaha, nishchit taur par yeh (mudraasfeeti par niyantran) aisa mudda hai, jis par sarkaar aur RBI lage hain. Vitt mantri ka pad-bhaar sambhaalne ke fauran baad jetali ne mudraasfeeti par niyantran ke prati pratibaddhata jataai. RBI dvaara mudraasfeeti ko niyantrit karne ke liye uchch byaaj dar barkaraar rakhane ke beech jetali ne vruddhi mein narami aur uchch mudraasfeeti se nipatne ke liye santulan bithaane ka kaam karne ki jaroorat hai. raajan ne kaha ki RBI ne hamesha vruddhi aur mudraasfeeti ke beech santulan bithaaya hai aur keindreeya bank aisa karta rahega. chaaloo khaate ka ghaata (kaid) 2013-14 mein ghatkar sakal ghareloo utpaad ke 1.7 pratishat ke star par aane ke sambandh mein raajan ne kaha, kal ka aankada behad achha tha. Sone ke aayaat par niyantran mein dheel dene ke baare mein poochhane par Governor ne kaha, jaise jaise neetiyaan aati jaaengi aapko pata chalta jaaega.

Raajan Ne Jetali Se Mulaakaat Ki, Mudraasfeeti, Arthavyavastha Par Ki Charcha https://www.angrejinews.com/pic/51870