Raaj Thackeray Ke Kaafile Par Patharaav Ke Baad Enaseepi-manase Ke Beech Jabaradast Jhadpein

Breaking »

Raaj Thackeray Ke Kaafile Par Patharaav Ke Baad Enaseepi-manase Ke Beech Jabaradast Jhadpein

Mumbai: Maharashtra ke ahamadanagar mein somvaar ko raaj Thackeray dvaara ek rally ko sambodhit kiye jaane ke baad raashtravaadi Congress party (raakaampa) tatha Maharashtra navanirmaan sena (manase) kaaryakartaaon ke beech hui jhadap ke baad Budhvaar ko bhi Mumbai tatha raajya ke kai anya ilaakon mein raakaampa tatha manase kaaryakartaaon ki beech tanaav ka maahaul bana huaa hai. Mumbai mein Budhvaar ki subah naaraaj raakaampa kaaryakartaaon ne raaj Thackeray ke kaafile par patthar feinke jabki pichhli raat unki car rally ko kaale jhande dikhaae gaye the. Iske javaab mein manase ke kaaryakartaaon ne dakshini Mumbai tatha aas-paas ke ilaakon mein raakaampa ke daftaron par nishaana saadha tatha ahamadanagar, naanden, akola, yavatamaal, paarabhani tatha thaane mein niji evam saarvajanik vaahanon ki kshati pahunchaai. Is jhadap ke peechhe raaj Thackeray ki railiyon ko bataaya ja raha hai jismein raaj ne raakaampa tatha uske sheersh netaaon sharad Pawar, unke bhateeje ajit Pawar tatha gruh mantri RR Patil par nishaana saadha tha. Raakaampa ke pravakta navaab malik ne kaha, lokatantr mein koi kisi ki bhi aalochna karne ke liye svatantr hai. Lekin hamaare kaaryakarta unke (raaj Thackeray) dvaara kahe gaye anuchit shabdon ko bhala kaise bardaasht kar sakte hain. Yah nishchaya hi nindaneeya hai. Malik ne raakaampa ke daftaron par hue hamlon ka havaala dete hue chetaavani bhare lahaje mein kaha, agar koi kaanoon apne haath me leta hai to sarkaar evam police usase uchit tareeke se nibtegi. Maharashtra se I rapaton ke anusaar mangalvaar ki subah thaane, Mumbai, Bandra, ahamadanagar, parabhaani sthit raakaampa ke kaaryaalayon par patthar feinke gaye tatha yavatamaal, akola aur naanden mein bason ko nuksaan pahunchaaya gaya. Police ne suraksha vyavastha kadi kar di tatha sthiti ko niyantran mein bataaya. Maharashtra mein agale varsh hone vaale vidhaanasabha chunaav tatha Loksabha chunaavon ko dekhte hue vaastav mein raaj Thackeray apne raajya daure ke shuroo hone se pehle poorv niyojit tareeke se raakaampa ke sheersh netaaon par nishaana saadh rahe hain.

Raaj Thackeray Ke Kaafile Par Patharaav Ke Baad Enaseepi-manase Ke Beech Jabaradast Jhadpein https://www.angrejinews.com/pic/2930