Raahat Ki Baat, Is Baar Daga Naheen Dega Maunasoon

Breaking »

Raahat Ki Baat, Is Baar Daga Naheen Dega Maunasoon

suresh upaadhyaaya nai Delhi. . Pichhle saal ki bevafaai ke baad is baar maunasoon saamaanya rahane ke sanket hain. Sookhe ki chapet mein aae raajyon mein bhi is baar achhi baarish ki sambhaavana hai. Kerala mein maunasoon ke 1 June ko aur Delhi mein 30 June ke aaspaas pahunchane ke aasaar hain. Filhaal al neeno ka koi prabhaav naheen hai. Vigyaan va praudyogiki mantri jayapaal Reddy ne shukravaar ko dakshin-pashchimi maunasoon ke pehle charan ke baare mein mausam vibhaag ke poorvaanumaan ka khulaasa kiya. Kheti par asar: Bhaarat ki kareeb 70 se 90 feesadi kheti maunasoon ki baarish par nirbhar karti hai. Pichhle saal baarish kam hone se desh ke chhah raajyon mein sookha pad gaya tha. Isse fasalon ki buaai mein deri hui to kai ilaakon mein buaai bhi naheen ho saki. Is vajah se is saal anaaj utpaadan ke kareeb 90 lakh tan kam hone ki aashanka hai. Khareef ki fasal ko maunasoon ki bevafaai ne khaasa nuksaan pahunchaaya. Sabjiyon ke utpaadan par bhi iska kaafi asar pada. 2011-12 ke fasali saal mein desh mein anaaj ka record utpaadan (25 karod 75 lakh tan) huaa tha. Desh ki GDP mein is samay kheti ka hissa kareeb 14 pratishat hai. Pichhle saal baarish mein kami raajya pratishat uttar pradesh 58 Punjab 68 pashchim Bengal 25 Karnataka 49 Bihar 20 Tamil Nadu 15 Rajasthan 52 Gujarat 42.

Raahat Ki Baat, Is Baar Daga Naheen Dega Maunasoon https://www.angrejinews.com/pic/6901