'Raafel Vivaad Ke Kaaran Majaak Ka Paatr Bana Chhattisgarh Ka Gaanv

Breaking »

'Raafel Vivaad Ke Kaaran Majaak Ka Paatr Bana Chhattisgarh Ka Gaanv

Raayapuraraafel ladaakoo vimaan sauda keval kendra sarkaar hi naheen, balki Chhattisgarh ke ek gaanv ke liye bhi pareshaani ka sabab ban gaya hai jise is saude ke vivaadon mein ghire hone ke kaaran majaak ka paatr banana pad raha hai. Daraasal Chhattisgarh ke mahaasamund nirvaachan kshetr mein ek chhota sa gaanv hai, jiska naam 'Raafel' hai. Is gaanv mein kareeb 2000 parivaar rahate hain. Gaanv mein rahane vaale 83 varsheeya dharm Singh ne kaha, 'Anya gaanvon ke log hamaara majaak udaate hain. Ve kehte hain ki yadi Congress satta mein I to hamaari jaanch hogi. Ham gaanv ka naam badalne ka anurodh lekar mukhyamantri kaaryaalaya bhi gaye the, lekin ham unase mil naheen sake. ' unhonne kaha, 'Raafel vivaad ke kaaran yeh naam keval nakaaraatmak dhyaan aakarshit karta hai, lekin hamaare gaanv ki koi paravaah naheen karta. Raajya ke baahar to adhiktar logon ko gaanv ke baare mein pata bhi naheen hai. ' Padhein: 'Raafel ke kaaran parrikar ne raksha mantri ke pad se diya tha isteefa' Singh ne bataaya ki gaanv mein peyajal aur svachhata jaisi buniyaadi jarooratein bhi naheen hain. Kheti baarish par aadhaarit hai kyonki yahaan sinchaai ki koi suvidha naheen hai. Singh ko is baat ki koi jaankaari naheen hai ki gaanv ka naam raafel kyon rakha gaya aur iska kya arth hai. Unhonne kaha, 'Mujhe naheen pata, lekin gaanv ka dashakon se yeh naam hai. Varsh 2000 mein Chhattisgarh ke gathan se bhi pehle yeh naam hai. Mujhe is naam ke peechhe ka tark naheen pata. ' Padhein: 'Raafel deal ke baad anil Ambani ki company ka 1,125 karod rupaye ka tax maaf' Bata dein ki Congress aur anya vipakshi dal pradhaanamantri Narendra Modi aur sarkaar ko France ke saath hue raafel ladaakoo vimaan saude ko lekar nishaana bana rahe hain. Unka aarop hai ki har vimaan ki keemat teji se badhi hai aur is saude se udyogapati anil Ambani ko laabh hoga. Sarkaar aur Ambani ne in aaropon se shuruaat se hi inkaar kiya hai.

'Raafel Vivaad Ke Kaaran Majaak Ka Paatr Bana Chhattisgarh Ka Gaanv https://www.angrejinews.com/pic/268096