Raafel Case Mein Leek Dastaavejon Par Kendra Ke Visheshaadhikaar Ke Daave Par Supreme Court Ne Faisala Surakshit Rakha

Breaking »

Raafel Case Mein Leek Dastaavejon Par Kendra Ke Visheshaadhikaar Ke Daave Par Supreme Court Ne Faisala Surakshit Rakha

Nai Delhi Raafel deal case mein apne faisale par punarvichaar ki maang waali yaachikaaon par sunavaai ke dauraan Supreme court ne guruvaar ko leek dastaavejon par kendra ke visheshaadhikaar ke daave par order surakshit rakh liya. SC ne spasht kiya ki raafel deal ke tathyon par gaur karne se pehle vah kendra sarkaar dvaara uthaai gayi praarambhik aapattiyon par faisala karega. Daraasal, kendra ne raafel ladaakoo vimaanon se sambandhit dastaavejon par visheshaadhikaar ka daava kiya hai aur Supreme court se kaha ki saakshya adhiniyam ke praavadhaanon ke tahat koi bhi sambandhit vibhaag ki anumati ke bagair inhein pesh naheen kar sakta hai. Attorney general ne kaha ki koi bhi raashtreeya suraksha se jude dastaavej prakaashit naheen kar sakta hai aur raashtra ki suraksha sarvopari hai. Vaheen, vakeel prashaant bhooshan ne court se kaha ki raafel ke jin dastaavejon par attorney general visheshaadhikaar ka daava kar rahe hain, ve prakaashit ho chuke hain aur saarvajanik daayare mein hain. Unhonne kaha ki soochana ke adhikaar kaanoon ke praavadhaan kehte hain ki janahit anya cheejon se sarvopari hai aur khufiya agencyon se sambandhit dastaavejon par kisi prakaar ke visheshaadhikaar ka daava naheen kiya ja sakta. Bhooshan ne SC se aage kaha ki raafel ke alaava koi doosra raksha sauda naheen hai jismein CAG ki report mein keematon ke vivran ko sanpaadit kiya gaya. Bhooshan ne kaha ki raafel saude mein sarkaar-sarkaar ke beech koi karaar naheen hai kyonki ismein France ne koi sanprabhoo guaranty naheen di hai. Unhonne kaha ki bhaarateeya press parishad adhiniyam mein patrakaaron ke sootron ke sanrakshan ke bhi praavadhaan hain. Baad mein Supreme court ne bhooshan se kaha ki ham kendra ki praarambhik aapatti par faisala karne ke baad hi maamale ke tathyon par vichaar kareinge. Court ne raafel deal maamale mein punarvichaar yaachikaaon par kendra ki praarambhik aapattiyon par sunavaai poori ki. Kendra ka kehna tha ki punarvichaar yaachika daayar karne vaale yaachikaakarta gairkaanooni tareeke se praapt kiye gaye visheshaadhikaar vaale dastaavejon ko aadhaar naheen bana sakte. Gaurtalab hai ki cheef Justice ranjan gogoi, Justice sanjaya kishn kaul aur Justice keem Joseph ki peeth ke samaksh kendra ki or se attorney general KK venugopaal ne apne daave ke samarthan mein saakshya kaanoon ki dhaara 123 aur soochana ke adhikaar kaanoon ke praavadhaanon ka havaala diya. Aapko bata dein ki yeh peeth raafel saude ke maamale mein apne faisale par punarvichaar ke liye daayar yaachikaaon par sunavaai kar rahi hai. Ye punarvichaar yaachikaaen poorv keindreeya mantriyon yashavant sinha aur Arun shauri tatha adhivakta prashaant bhooshan ne daayar kar rakhi hain. (bhaasha ke input ke saath)

Raafel Case Mein Leek Dastaavejon Par Kendra Ke Visheshaadhikaar Ke Daave Par Supreme Court Ne Faisala Surakshit Rakha https://www.angrejinews.com/pic/261162