RTI Ke Maamalon Par Faisale Mein Deri

Business » Monday, April 29, 2013

nidhi sharma nai Delhi right too infaurmeshan act (RTI) ko iski rakhavaali karne vaalon se hi khatra paida ho gaya hai. Infaurmeshan kamishnars eplikeints ko maheenon tak antim faisale ke intajaar mein latakaae rakhate hain. Khaastaur par aisa raajaneetik taur par samvedansheel maamalon mein ho raha hai. Central infaurmeshan commission (seeaaisi) ki kaaryapranaali se pata chal raha hai ki infaurmeshan kamishnars maamalon ki sunavaai karte hain, lekin ye faisalon ko maheenon ke liye taal dete hain. Ismein ek maamala is savaal se juda hai ki kya raajaneetik paartiyon ko RTI ke tahat laaya jaana chaahiye ya naheen. Yah maamala teen meinbar waali seeaaisi bench ke paas maheenon se pada huaa hai. Is maamale par antim sunavaai 1 November ko hui thi. Haalaanki, bench ne is par abhi tak faisala naheen diya hai. Cheef infaurmeshan commissioner satyaanand mishra ne iske liye prashaasanik vajahon ka havaala diya hai. Mishra ne kaha, 'Is khaas maamale mein, ek infaurmeshan commissioner ek maheene ki leev par theen. Jab vah lauteen to ek anya commissioner chhutti par chale gaye. Ab poori bench vaapas aa gayi hai aise mein ab ham is maamale mein apna order deinge. ' RTI ekvivist subhaash chandra Agrawal ko ek aise maamale ka saamana karna pada jahaan infaurmeshan commissioner ne ek order paas karne mein 9 maheene ka vakt liya, aur vah bhi apni rai ko badalne ke saath. Agrawal ne April 2011 mein spectrum skaim ke maamale mein hui girftaariyon ka aadhaar bani ek reejanal director ki report ki maang ki. Agrawal ke mutaabik, 'Infaurmeshan commissioner Sushma Singh ne maukhik roop se meri appeal ko manjoori di aur ministri se kaha ki vah in dastaavejon ka khulaasa kare. Lekin final order mere paas February 2013 mein hi aaya. Ismein kaha gaya tha ki yah maamala JPC aur PAC ke tahat hai, aise mein yah sansadeeya visheshaadhikaar ka ullanghan hoga. ' Agrawal spectrum ghotaale maamale mein do ordaron ka abhi bhi intajaar kar rahe hain. Ek maamale ki sunavaai May 2012 mein hui jabki doosare ki October 2012 mein hui thi. Ektivist aar ke jain bhi aisi hi deri ka saamana kar rahe hain. Jain ne ek besik savaal uthaaya tha, 'Kis tarah se ek infaurmeshan commissioner kisi maamale mein itne maheenon ke gujarane ke baad bhi kisi chhote se byore ko yaad rakh sakta hai? '