RIL Ke Praufit Mein 32 Feesadi Ki Shaanadaar Badhotri

Business »

RIL Ke Praufit Mein 32 Feesadi Ki Shaanadaar Badhotri

RIL ke praufit mein 32 feesadi ki shaanadaar badhotri iti bureau Mumbai krood ki processing se behtar margin haasil hone se March 2013 quarter mein Reliance industries ko 32 feesadi ka jabaradast praufit huaa hai. Company ke jaamanagar sthit duniya ke sabse bade rifaaining kaumpleks mein company ko krood ki processing se behtar margin mila hai. Isse utaar-chadhaav vaale maahaul mein bhi Reliance industries fiscal iyar 2012-13 mein record arning haasil karne mein kaamayaab rahi. Chauthi timaahi mein pratyek barrel krood ki processing se company ki arning badhkar 10.1 dollar rahi. Saal bhar pehle ki isi timaahi mein yah 7.6 dollar thi. Is dauraan Reliance ka kvaartarli praufit badhkar 5,589 karod rupae ho gaya hai. Vaheen, poore saal ke liye company ka munaafa 4.8 feesadi badhkar 21,003 karod rupae par pahunch gaya hai. Anishchit global ikanaumi mein bhi company apne performance ko lekar utsaahit hai. Saath hi yah reetel sahit apne sabhi business segameint ke outlook ko lekar behad positive hai. Reliance industries ke Chairman aur mainejing director mukesh Ambani ne kaha, 'Ham yah dekhkar behad khush hain ki hamaara reetel kaarobaar 10,000 karod rupae ke saalaana revenyoo ka maailaston paar kar chuka hai. Ham aage is sector mein apni paujishn aur majaboot kareinge. Ham aise projekts par kaam kar rahe hain jo hamein petrolium aur petrokemikl product mein duniya ki sabse badi kaumpititiv prodyoosars bana sakti hai saath hi doosari taraf India mein ham kanjyoomar seintrik business par jyaada focus kareinge. ' rifaaining aur maarketing segameint ka ebit (intarest aur tax sahit munaafa) doguna se bhi jyaada hokar 3,520 karod rupae ho gaya hai. Haalaanki, is dauraan aamdani mein sirf 2.2 feesadi ka hi ijaafa huaa hai. Is segameint mein company ke behtar pradarshan ka asar petrokemikl segameint ke kamjor praufit ko sambhaalne mein nikal gaya hai. Petrokemikls segameint mein company ka ebit 12.8 feesadi girkar 1,895 karod rupae par aa gaya hai. Oil end gas business mein giraavat jaari hai. Is segameint ki aamdani mein 39 feesadi ki giraavat I hai. Isse company ka kvaartarli revenyoo 1.4 feesadi ghat gaya hai. Jabki ebit aadha hokar 460 karod rupae par aa gaya hai. Enaalist ka kehna hai ki Reliance ne jyaada gas field develop karne ke liye plaan sabamit kiya hai , jisse eksaploreshan business ki sambhaavnaaen kaafi achhi hain. Aise mein ummeed hai ki nae gas kshetr se gas ka aautaput badhega. America mein Reliance ka shel gas business bhi teji se badh raha hai.

RIL Ke Praufit Mein 32 Feesadi Ki Shaanadaar Badhotri https://www.angrejinews.com/pic/5802