RBI Aur Bajat Par Rahegi Baajaar Ki Najar

Business » Monday, June 2, 2014

- aasheesh kyaal , director , Waves Strategy Advisors May maheene mein Sensex kareeb 8 pratishat badhkar band hua. Is achhi teji ka mukhya kaaran bahumat ki sarkaar banane ke ummeedon par tha aur jo hua bhi. Kendra mein sthir sarkaar aane se tamaam neetigat faisalon mein teji hogi aur yeh maahaul instityooshanal investors ko adhik aakarshit karega. Lekin 16 May ko chunaav parinaam ghoshit hone ke saath hi Sensex ne 25000 ke oopar chhalaang lagaakar 25375 ka haai banaaya parantu vah sthir naheen raha saka. Takaneeki najariye se dekha jaae to kisi vishesh mauke par banane vaala uchchatam aur nyoonatam star ek mahatvapoorn rajisteins aur support ban jaata hai. Is star ke break hone par hi aane vaale dinon mein baajaar ki chaal nirbhar rahegi. Desh ka GDP dar : Pichhle saptaah jaari hua GDP dar anumaan se kam rahakar 2013-14 ke liye 4.7 % hi aaya. Yeh deta sarkaari anumaan 4.9% se kam raha. Kai saalon ke baad GDP growth lagaataar do saalon se 5 % ke neeche raha. Jiski vajah se nai sarkaar par bhaarateeya arthavyavastha ko vaapas pragati ke raaste par laane ka kaafi dabaav bana rahega. Iske saath RBI ka dhyaan jo mahangaai kam karne par hai vah bhi sarkaar ke liye chunauteepoorn rahega. Aane vaala bajat : Aane vaala bajat ek mahatvapoorn factor rahega aur apeksha ki ja rahi hai ki sarkaar jyaada dhyaan business kaunfideint ke saath hi lambit praujekts aur neetiyon ko jald se jald laagoo karne par degi. Bajat ke din baajaar ki pratikriya dekhna kaafi mahatvapoorn hoga aur yeh bhi dekhna hoga ki us din dalaal street mein sakaaraatmak halachal rahegi ya naheen. RBI paulisi : Sabhi ki nigaahein 3 June ko ghoshit hone waali RBI paulisi par hogi. Yeh bhi dekhna hoga ki dheemi pragati ke chalte RBI kuchh lacheela rukh akhtiyaar karta hai ya naheen jiska ab tak ka rukh growth ki bajaae mahangaai par tha. Is paulisi mein hamein lagta hai ki RBI apne 'Status quo' banaae rakhega aur ' ki paulisi rate ' mein koi badlaav naheen karega. Aane vaala saptaah : Ab sabki nigaahein kendra ki vartamaan Narendra Modi sarkaar aur unke mantrimandal par hai. Market mein maujood log ise bahut najadeek se dekh rahe hain ki kitna jaldi iska kriyaanvayan hoga. Aane vaale dinon mein isse kam ka parinaam baajaar ke liye nakaaraatmak ho sakta hai. Pichhle saptaah baajaar apne saaptaahik lo ke paas 24217 par band hua uske baad neeche ki or 23870 ek mahatvapoorn support hai aur yeh aankada tootane par kuchh saptaah ke liye baajaar mein nakaaraatmak rukh rah sakta hai tatha August 2013 mein shuroo hui rally par bhi khatra ban sakta hai.