Pyaaj Ka Nyoonatam Niryaat Moolya 300 Dollar Prati Tan Tay

Breaking »

Pyaaj Ka Nyoonatam Niryaat Moolya 300 Dollar Prati Tan Tay

Nai Delhi: pyaaj ke niryaat tatha badhti keemat par ankush lagaane ke liye sarkaar ne iska nyoonatam niryaat moolya (emaipi) 300 dollar prati tan nirdhaarit kar diya. raashtreeya rajdhani mein haal ke dinon mein pyaaj ki keemat badhkar 25-30 rupaye prati kilo ho gayi, jo pakhavaade bhar pehle 15-20 rupaye kilo thi. Emaipi vah dar hoti hai, jiske neeche niryaat ki anumati naheen hoti hai. Is neeti ko fir se laagoo kiya gaya hai jabki sirf teen maheene pehle March mein pichhli sarkaar ne ise khatm kiya tha. Vaanijya mantri ne ek adhisoochana mein kaha ki pyaaj ki har kism ke niryaat par 300 dollar prati din ka emaipi laagoo hoga. upabhokta maamalon ke sachiv keshav deseeraajoo ne pradhaanamantri kaaryaalaya mein 'Khaadya mudraasfeeti se nipatne ke upaaya' ke sambandh mein aayojit baithak ke baad kaha, vaanijya mantraalaya ne pyaaj niryaat par niyantran ke liye iska 300 dollar prati tan ka nyoonatam niryaat moolya (emaipi) rakha hai. Sabji-fal aur anaaj jaise aavashyak khaadya padaatharein ki badhti keemat ke kaaran thokamoolya soochakaank aadhaarit mudraasfeeti May mein paanch maheene ke uchch star 6.01 pratishat par aa gayi. Unhonne kaha ki desh se ausatan 15 lakh tan pyaaj ka niryaat hota hai. deseeraajoo ne kaha, emaipi se ghareloo aapoorti badhaane aur keemat ko kaaboo mein karne mein madad milne ki sambhaavana hai.

Pyaaj Ka Nyoonatam Niryaat Moolya 300 Dollar Prati Tan Tay https://www.angrejinews.com/pic/54303