Purush Skeet Mein Sheeraaj Bhaarateeya Nishaanebaajon Mein Sarvashreshth, Kinbarli Ko Mahila Varg Ka Khitaab

Sports »

Purush Skeet Mein Sheeraaj Bhaarateeya Nishaanebaajon Mein Sarvashreshth, Kinbarli Ko Mahila Varg Ka Khitaab

Nayi Delhi, 25 March (bhaasha) sheeraaj shekh maiksiko ke ekaapulko mein chal rahe antararaashtreeya nishaanebaaji khel mahaasangh (aaiesaesaef) ke shaatagan vishv cup mein purush skeet spardha mein 50 mein se 48 ank jutaakar bhaarateeya nishaanebaajon ke beech sheersh par chal rahe hain. mahila varg mein America ki diggaj nishaanebaaj kinbarli road ne ravivaar ko pichhle do saal mein apna chhatha aaiesaesaef vishv cup svarn padak jeeta. sheeraaj 95 nishaanebaajon ke beech 22vein sthaan par chal rahe hain. Unke alaava 14 anya nishaanebaajon ne bhi 48 ank jutaae aur kaauntabaik ke aadhaar par bhaarateeya nishaanebaaj 22vein sthaan par hai. vishv champion America ke vinseint henakok sahit chaar nishaanebaajon ne parafekt 50 ka score banaaya jabki 12 nishaanebaajon ne 49 sahi nishaane lagaae. bhaarateeya raashtreeya rifle sangh (enaaaraeaai) ki vigyapti ke anusaar spardha mein hissa le rahe do anya bhaarateeya meraaj Ahmad Khan aur angad veer Singh Bajwa 44 aur 43 ke score ke saath kramash: 74vein aur 86vein sthaan par chal rahe hain. mahila nishaanebaajon mein rashmi Rathore kvaaleefikeshan mein 112 ank ke saath 23vein sthaan par raheen. Maheshvari chauhaan ne 109 ank ke saath 33vaan jabki simranapreet Kaur ne 97 ank ke saath 48vaan sthaan haasil kiya. final mein kinbarli ne 57 ank ke saath sheersh sthaan haasil kiya jabki New Zealand ki rajat padak vijeta klo tipl 48 ank ke saath unase kaafi peechhe raheen. Cheen ki dongaliyaan jheing ne 42 ank ke saath kaansya padak jeeta. klo aur jheing ne is spardha se upalabdh do olanpik kota haasil kiye. Kinbarli pehle hi olanpik kota haasil kar chuki hain. Is ameriki diggaj ne teen dashak se adhik ke apne career ke dauraan 30 svarn sahit 54 antararaashtreeya padak jeete hain. Vah agale saal rikaard saatavein olanpik mein hissa leingi.

Purush Skeet Mein Sheeraaj Bhaarateeya Nishaanebaajon Mein Sarvashreshth, Kinbarli Ko Mahila Varg Ka Khitaab https://www.angrejinews.com/pic/263405