Purush Rikrv Teerandaaji Team Ko Olympic Kota, Mahila Team Vifal

Sports »

Purush Rikrv Teerandaaji Team Ko Olympic Kota, Mahila Team Vifal

Netherland Bhaarat ki purush rikrv teerandaaji team ne Budhvaar ko world championship ke kvaurtar final mein jagah banaate hue 2020 tokyo khelon ke liye olympic kota haasil kiya jabki mahila team ko niraasha haath lagi. Taroonadeep rai, atanu das aur praveen jaadhav ki team ne shaanadaar pradarshan karte hue pre kvaurtar final mein Canada ko 5-3 se haraaya. London olympic 2012 ke baad yeh pehla mauka hai jab bhaarateeya purushon ne team kota haasil kiya hai. Bhaarateeya purush team Rio olympic 2016 ke liye kvaulifaai karne mein vifal rahi thi aur vyaktigat varg mein bhi atanu das pre kvaurtar final mein haar gaye the. London olympic mein bhaarateeya team ka hissa rahe do baar ke olympian taroonadeep rai ne kaha, 'Humne aakhirkaar kar dikhaaya. Ek team ke roop mein ham achha pradarshan kar rahe hain aur ab tokyo khelon ko lekar utsuk hain. ' unhonne kaha, 'Mujhe yakeen hai ki virodhi teemon par bhi isi tarah ka dabaav hai. Isliye aham yeh hai ki dhairya rakha jaae aur yeh hamaare liye achha raha. ' Mahila rikrv team ko haar ka saamana karna pada. Senior teerandaaj bomabaayala devi ek baar fir naakaam rahi jabki komaalika baari ki anubhavaheenata ka Bhaarat ko nuksaan uthaana pada aur team apne se kam ranking vaale Belarus se 2-6 se haar gayi. Team ki teesari sadasya deepika kumaari thi. Mahila team ko olympic kota haasil karne ka antim mauka barlin mein 2020 vishv cup charan teen mein milega jahaan se sheersh teen teemein kvaulifaai kareingi. Kvaulifaaing round mein chhathe sthaan par rahane ke baad Canada ko pehle daur mein baai mila tha. Seedhe pre kvaurtar final mein khel rahi Canada ki team ke khilaaf Bhaarat ne achhi shuruaat ki aur bhaarateeya tikdi ne teen parafekt shot se shuruaat ki. Bhaarateeya team ne pehla set 56-55 se jeeta. Doosare set ki bhi achhi shuruaat karte hue bhaarateeya tikdi ne pehle set se ek adhik ank jutaaya aur ise 57-56 se jeetkar 4-0 ki badhat banaai. Erik peetars, krispin duenaas aur Brian maiksel ki tikdi ne teesara set 58-54 se jeetkar mukaabale ko romaanchak banaaya. Bhaarat ko jeet ke liye antim set mein taai ki darkaar thi aur 57-57 ke score se Bhaarat ne mukaabala 5-3 se jeetkar olympic kota haasil kiya. Kvaurtar final mein jagah banaane waali teemon ko teen khilaadiyon ka poorn kota milega jabki team spardha mein kvaulifaai naheen karne waali teemon ke sheersh chaar vyaktigat teerandaajon ko apne apne desh ke liye ek sthaan milega. Ises pehle 39vein vareeya Abhishek varma, Bhagwan das (35vein) aur rajat chauhaan (88vein) tatha mahila teerandaaj jyoti surekha (17vein) ne kanpaaund varg ke teesare daur mein jagah banaai. Ranking daur mein sheersh aath mein jagah banaane waali muskaan kiraar ko round of 32 mein baai mila. Muskaan ki aguaai mein bhaarateeya kanpaaund team ne 2099 ank ke saath ranking daur mein Columbia (2111) aur Korea (2101) ke baad teesara sthaan haasil kiya tha. Team ne seedhe pre kvaurtar final mein pravesh kiya aur vahaan France ko 236-226 se haraakar kvaurtar final mein jagah banaai. Kvaulifaaing round mein 14vein sthaan par rahi bhaarateeya kanpaaund purush team ne pehle daur mein Spain ko 235-229 se haraakar pre kvaurtar final mein jagah banaai jahaan usaka saamana teesare vareeya Turkey se hoga. Bhaarat kanpaaund mishrit peyar spardha mein bhi padak ki daud mein hai jahaan varma aur muskaan ne kvaaleefaaing mein sheersh aath mein rahate hue seedhe antim 16 mein jagah banaai jahaan usaka saamana Germany se hoga.

Purush Rikrv Teerandaaji Team Ko Olympic Kota, Mahila Team Vifal https://www.angrejinews.com/pic/280820