Punjab Ne Garama Di Hai Desh Ki Siyaasat

India »

Punjab Ne Garama Di Hai Desh Ki Siyaasat

Ajay Gautam . Chandigarh aakaar mein chhote par josheele Punjab ka jikr ek baar fir jorashor se ho raha hai. Iski vajah hai raashtreeya star ki siyaasat mein is raajya se jude kuchh maamalon ka saamane aana. Masala chaahe keindreeya mantriyon pavan Kumar bansal aur Rajyasabha saansad va mantri ashvini Kumar ka ho ya fir 84 ke dangon par aae faisale ke baad bane asantosh ke maahaul ka ho ya fir sarabajeet ka maamala hi kyon na ho, sabhi ka naata Punjab se raha hai. Guradaasapur ke ashvini kolaget maamale par keindreeya kaanoon mantri ashvini Kumar in dinon vipaksh ke nishaane par hain. Ashvini Kumar Punjab ke guradaasapur ke rahane vaale hain aur isi raajya se Rajyasabha saansad bhi hain. Ashvini Kumar ki paarivaarik prushthabhoomi siyaasi hai. Unke pita prabodh chandra ek svatantrata senaani the aur Punjab vidhaanasabha ke speaker bhi rah chuke hain. Dekha jaae to ashvini ka Punjab se ekamaatr kanekshan bhi yahi hai, jabki unki khud ki raajaneeti ka kendra hamesha hi Delhi raha hai. Ashvini ki saari padhaai-likhaai Delhi mein hui aur yaheen se unhonne siyaasi udaan bhi bhari. Delhi ke seint steefans college ke alaava javaaharalaal Nehru university mein padh chuke ashvini ne Supreme court mein praiktis karte hue Congress mein apni pehchaan kaayam ki. Maana jaata hai ki pradhaanamantri Manmohan Singh se najadeekiyon ke kaaran unhein Punjab se Rajyasabha saansad banaaya gaya aur fir kendra mein mantri bhi. Pepar tiger ka lebal : Beshak ashvini Kumar ki paarivaarik prushthabhoomi vajanadaar rahi ho lekin siyaasat ke khel mein unke oopar pepar tiger ka lebal bhi chaspa huaa. Unki pehchaan Congress mein sheersh star par lobbying kar pad haasil karne ki rahi lekin ve kabhi bhi ek maas leedar ke roop mein sthaapit naheen ho sake. Yah party mein unke kanekshanon ka hi dam tha ki unhane apne mool raajya Punjab mein party ke liye koi na koi ohada milta raha. 1996 ke Loksabha chunaav mein unhonne asafal koshish ki. Us dauraan unhonne pradesh Congress ki or se haashiye par daal diye jaane ke kaaran Congress se tootakar bani arjun Singh ki aguaai waali Congress (tivaari) mein shaamil hokar chunaav bhi lada. Ashvini Kumar ka poorv mukhyamantri captain amarindar Singh samet pradesh star ke netaaon se bhi chhattees ka aankada hi raha. Is kaaran ve vaapas Delhi laute aur drauing room paulitiks unhein soot karti chali gayi. . . . Aur Chandigarh ke bansal rel mantri pavan bansal ke bhaanje ke rishvat kaand mein pakade jaane se pradhaanamantri ke ek aur pasandeeda vyakti par vipaksh ka nishaana sadh gaya hai. Ashvini ki tarah bansal bhi pradhaanamantri ke pasandeeda vyaktiyon mein maane jaate hain. Isi vajah se pichhle ferabadal mein unhein rel mantri banaaya gaya tha , jabki unase kai varishth saansad va mantri is bhaari - bharakam mantraalaya par najar tikaae hue the. Chandigarh yoon to Punjab ka hissa naheen lekin iski rajdhani jaroor hai. Aise mein bansal prakaran ko bhi Punjab ke aaine se jodkar dekha ja raha hai. Bansal ka Chandigarh mein aadhaar bahut majaboot hai. Teen baar lagaataar saansad bane aur do tarm mein mantri rahe. Pichhle das saal se sthaaneeya nigam mein bhi Congress ka bahumat hai. Is kaaran bhi bansal ki pojishn majaboot bani rahi aur unke saamane koi doosra khada bhi naheen ho paaya. Haalaanki beech mein pradesh Congress adhyaksh beebi bahal samet kuchh log ekajut bhi hue par bansal ki soniya va PM se najadeeki ke kaaran virodhiyon ko koi kaamayaabi naheen mili. Chandigarh ki siyaasat mein bansal ka koi vikalp aajatak ban hi naheen paaya. BJP khud aapas mein banti hai. Chandigarh ki ekamaatr sansadeeya seat ke tikt ke liye BJP mein poorv saansad satyapaal jain , poorv mantri haramohan dhavan aur pradesh BJP adhyaksh sanjaya Tandon daavedaar hain.

Punjab Ne Garama Di Hai Desh Ki Siyaasat https://www.angrejinews.com/pic/7928