Punjab Ne Delhi Ko Haraaya, Knockout Ki Ummeed Barkaraar

Cricket »

Punjab Ne Delhi Ko Haraaya, Knockout Ki Ummeed Barkaraar

dharmashaala. . Ballebaajon ke shaanadaar pradarshan ke baad sandeep sharma ki dhaaradaar boling se kings eleven Punjab ne Delhi Daredevils ko 7 run se haraakar knockout ke liye kvaulifaai karne ki apni ummeedon ko jinda rakha hai. Punjab ne David Miller (24 geind mein naabaad 44) aur kaptaan aidam Gilchrist (26 geind mein 42 run) ki toofaani paariyon se chaar wicket par 171 run banaae. Gilchrist ne shaun marsh ke saath pehle wicket ke liye 60 run ki saajhedaari bhi ki. Marsh ne 44 geind mein 45 run banaae. Iske javaab mein Delhi ki team ben roharar (29 geind mein 49 run)ki tej tarraar paari ke baavajood saat wicket par 164 run hi bana saki aur use lagaataar paanchaveen haar ka saamana karna pada. Sandeep ne 23 run par teen wicket chatakaakar Punjab ki jeet mein aham bhoomika nibhaai. Skorakaard: Kings eleven Punjab Vs Delhi Daredevils is jeet ke baad Punjab ke 15 maichon mein saat jeet se 14 point ho gaye hain. Team ko knockout mein jagah banaane ki ummeed jinda rakhane ke liye 18 May ko yaheen Mumbai Indians ko har haal mein haraana hoga. Team ko iske alaava sunrisers Hyderabad ki agale donon maichon jabki royal Challengers Bengaluru ki ekamaatr bache match mein badi haar ki ummeed bhi karni hogi, kyonki inmein se kisi bhi team ki ek jeet Punjab ko tournament se baahar kar degi. Delhi ne lakshya ka peechha karte hue chauthe over mein 12 run ke score tak hi salaami ballebaaj unmukt chand (07), Irfan pathaan (01) aur David Warner (00) ke wicket ganva diye. Praveen Kumar ne swing hoti geind par unmukt ko bold kiya jabki 19 saal ke yuva tej geindabaaj sandeep ne lagaataar geindon par pathaan aur Warner ko dagaaaut bhejkar Delhi ko dohara jhatka diya. Paanchavein number par ballebaaj karne aae Virendra Sehwag (30) ne kaptaan mahela jayavardhane ke saath chauthe wicket ke liye 49 run jodkar paari ko sanvaarane ki koshish ki. Donon ne 10 over mein team ka score teen wicket 57 run tak pahunchaaya. Sehwag haalaanki paravindar avaana ki geind ko drive karne ki koshish mein wicket-keeper Gilchrist ko catch day baithe. Unhonne 22 geind ki apni paari mein chhah chauke maare. Jayavardhane (42 geind mein 39 run) ne behad dheemi ballebaaj ki. Unhein pehle over mein hi praveen ki geind par thardamain par Azhar Mehmood ne jeevanadaan diya. Jayavardhane ne pehli 30 geindon par sirf 16 run banaane ke baad Chawla ki lagaataar geindon par chhakka aur chauka maara. Delhi ke ranon ka saikada 15vein over mein poora kiya. Delhi ko antim paanch over mein jeet ke liye 72 run ki darkaar thi aur taabadtod ballebaaji ke baavajood team lakshya ke kareeb pahunchakar chook gayi. Jayavardhane sandeep ki geind par manan vohara ko catch day baithe. Unhonne apni paari mein teen chauke aur ek chhakka maara. Unhonne roharar ke saath paanchavein wicket ke liye 5-3 over mein 50 run ki saajhedaari bhi ki. Roharar ne muraleedharan Gautam (aath geind mein 12 run) ke saath sirf teen over mein 39 run jode, lekin team ko jeet naheen dila paae. Roharar ne 19vein over mein Azhar Mehmood par do chhakke aur ek chauke se 19 run jode lekin antim over ki pehli geind par Chawla ne unhein bold kar diya. Team ko antim paanch geind par 22 run ki darkaar thi lekin morne Morkel (chaar geind mein 13 run) ke do chhakkon ke baavajood team 14 run hi bana saki. Isse pehle ballebaaji ka nyauta milne ke baad Gilchrist ne apni team ko tejatarraar shuruaat dilaate hue chhathe over mein hi team ka score 50 run ke paar pahuncha diya. Gilchrist ne aasheesh Nehra (38 run par do wicket) ko vishesh roop se nishaana banaaya. Unhonne is tej geindabaaj ke pehle do over mein 27 run batore. Gilchrist haalaanki jab shaanadaar laya mein dikh rahe the tab vah aathavein over mein Irfan pathaan ko unheen ki geind par catch day baithe. Unhonne apni paari mein paanch chauke aur do chhakke lagaae. Delhi ke geindabaaj iske baad kings eleven ki run gati par ankush lagaane mein safal rahe jisse 15vein over mein team ka score do wicket par 103 run tha. Gilchrist ke 60 run ke score par dagaaaut lautane ke baad mejabaan team ne agale saat over mein sirf 43 run jode aur is beech Azhar Mehmood (09) ka wicket ganvaaya jinhein Nehra ki geind par siddhaarth kaul ne lapka. Marsh aur Miller ne iske baad teji se run batore. Donon ne 16vein over mein Umesh Yadav par do chauke aur ek chhakke se 16 run jutaae. Marsh haalaanki agale over mein morne Morkel ki geind par laang aan par pathaan ko catch day baithe. Unhonne 44 geind ki apni paari mein saat chauke maare. Miller ne iske baad aar sateesh (13 geind mein 22 run) ke saath sirf 3-3 over mein 47 run batore. Sateesh ne 20vein over mein Nehra ki paanchaveen geind par ben roharar ko catch thamaaya. Miller ne paari ki antim geind par chauka jadkar team ka score 170 run ke paar pahunchaaya. Dakshin Africa ke is ballebaaj ne apni paari mein teen chauke aur chaar chhakke maare. Delhi ki or se Morkel ne kifaayati geindabaaji karte hue chaar over mein 22 run dekar ek wicket chatakaaya.

Punjab Ne Delhi Ko Haraaya, Knockout Ki Ummeed Barkaraar https://www.angrejinews.com/pic/8812