Punjab Mein Fir Panap Raha Hai Khaalistaani Aandolan

Breaking »

Punjab Mein Fir Panap Raha Hai Khaalistaani Aandolan

arun Dixit. . Nai Delhi faansi ki saja paae khaalistaani aatankvaadi devindar paal Singh bhullar ki jaan bachaane ke liye Punjab sarkaar bhale hi raajya mein aatankvaad badhne ki baat kah rahi ho par sachaai yah hai ki beete kai saal se Punjab mein khaalistaani aatankvaadi gut apni taakat badha rahe hain. Gruh mantraalaya ko is baat ki pukhta jaankaari hai ki America aur Europe mein rah rahe khaalistaani neta Pakistan ke jariye lagaataar yah koshish kar rahe hain ki Punjab ka maahaul fir bigaada jaae. Punjab ke mukhyamantri prakaash Singh baadal ne somvaar ko gruh mantri susheel Kumar shinde se milkar bhullar ko faansi na dene ki gujaarish ki thi. Baadal ka tark hai ki bhullar ko faansi diye jaane par khaalistaani neta iska bhaavanaatmak istemaal karke logon ko bahaka sakte hain. Isse raajya mein kaanoon vyavastha ki haalat to bigdegi hi saath mein ek baar fir aantarik suraksha ko bada khatra paida ho jaaega. Sarkaar ko pata hai hakeekat: Baadal ki maang par kendra sarkaar bhi samvedansheel hai. Use Punjab ki asaliyt achhe tareeke se maaloom hai. Shaayad yahi vajah hai ki gruhamantri shinde ne mangalvaar ko patrakaaron se yah kaha ki Punjab ke mukhyamantri ki maang par vah vichaar kareinge. Lekin gruh mantraalaya ke senior afsar yah maanate hain ki bhullar ya raajoaana ko faansi di jaae ya naheen. Punjab mein khaalistaani aatankiyon ki gatividhiyaan chal rahi hain. Pakistan ki khufiya agency ISI puraane khaalistaani aatankiyon ko poori madad day rahi hai. Ek senior afsar ke mutaabik, 2007 ki police mahaanideshak ki saalaana conference mein yah mudda utha tha. Tab yah bataaya gaya tha ki kis tarah khaalistaani aatankvaadi raajya mein aatankvaad ko fir se khada karna chaahate hain. ISI bhi saajish mein shaamil: 2011 ki baithak mein bhi is mudde par vistaar se charcha hui thi. Tatkaaleen intelligence bureau pramukh ne yah maana tha ki Pakistan ke jariye Punjab mein bade paimaane par visfotak aur hathiyaaron ka jakheera pahunch chuka hai. Aatankvaad ko badhaava dene ke liye ISI bade paimaane par drags aur nakali bhaarateeya currency Bhaarat bhej rahi hai. Har saal yah mudda utha hai aur har baar yah kah gaya hai ki khaalistaani aandolan ko fir se khada karne ki saajish chal rahi hai. Is adhikaari ke mutaabik Punjab ki Pakistani se lagi seema par BSF lagaataar nakali not aur heroin jabt kar rahi hai. Somvaar ki raat ko bhi BSF ne 90 karod ki heroin aur laakhon ke nakali not baraamad kiye hain. Gruh mantraalaya ke sootron ka saaf kehna hai ki bhullar ko faansi di jaae ya maafi. Punjab mein aatankvaad ko khada karne ki koshishein chal rahi hain aur chalti raheingi. Sarkaar ko apne star se inse nipatne ki taiyaari karni hogi. Daraasal, khaalistaani aatanki ab har hathakande apna rahe hain. Ek or ve Punjab mein alag-alag muddon ki aad lekar logon ko bhadkaane ki koshish kar rahe hain. Doosari aur faansi ko law aind order se jod rahe hain. Sarkaar ko in chaalon ko samajhna hoga.

Punjab Mein Fir Panap Raha Hai Khaalistaani Aandolan https://www.angrejinews.com/pic/5894