Punjab Mein 8 Railiyon Ko Sambodhit Kareinge Anna

Breaking »

Punjab Mein 8 Railiyon Ko Sambodhit Kareinge Anna

Chandeegadh. . Corruption ke khilaaf ladne vaale saamaajik kaaryakarta anna hajaare amrutasar se 30 March ko shuroo ho rahi apni 5 divseeya 'Jantantra yaatra' ke dauraan Punjab mein 8 saarvajanik railiyon ko sambodhit kareinge. Jantantra morcha ke pravakta guradeep Singh ne guruvaar ko bataaya ki anna hajaare durgiyaana mandir, haramandir saahib aur raamateerath mandir mein praarthana karne ke baad apni yaatra ka pehla daur amrutasar se shuroo kareinge. Vah 31 March ko jaliyaanvaala baag mein pehli saarvajanik rally ko sambodhit kareinge. Iske baad vah usi din kapoorathala aur Jalandhar mein railiyon ko sambodhit kareinge. Singh ne bataaya 1 April ko ludhiyaana aur moga mein aur 2 April ko bathinda mein rally aayojit ki jaaegi. Apni Punjab yaatra ki samaapti se pehle vah baranaala aur fir Patiala mein railiyon ko sambodhit kareinge. Is yaatra ka maksad Janlokpal vidheyak ke maamale mein UPA sarkaar dvaara diye ja rahe dhokhe ke prati logon ko jaagaruk karna hai.

Punjab Mein 8 Railiyon Ko Sambodhit Kareinge Anna https://www.angrejinews.com/pic/3675