Punjab Ki Nigaahein Rajasthan Ke Khilaaf Jeet Se Laya Haasil Karne Par

Cricket »

Punjab Ki Nigaahein Rajasthan Ke Khilaaf Jeet Se Laya Haasil Karne Par

Mohali, 15 April (bhaasha) kings eleven Punjab ki team yahaan mangalvaar ko hone vaale Indian Premier league mukaabale mein apni geindabaaji samasyaaon ko door karke Rajasthan raayals ke khilaaf fir se jeet ki laya haasil karna chaahegi. aar Ashwin ki aguvaai waali kings eleven Punjab ki team Mumbai Indians aur raayal Challengers Bengaluru ke khilaaf milne waali lagaataar haar ke baad paanchavein sthaan par khisak gayi. Mejabaan team ne abhi tak aath maichon mein chaar mein jeet ki pataaka laharaayi hai. Punjab ka geindabaaji aakraman lagaataar achha pradarshan naheen kar saka hai. Team Mumbai Indians ke khilaaf 197 run ke lakshya ka peechha karne mein asafal rahi jismein keeron Pollard ne 31 geind mein 83 run ki paari kheli thi. Bengaluru ke khilaaf pichhle match mein Punjab ki geindabaaji fir se vifal rahi aur unhonne pratidvandvi team ko chaar geind rahate 173 run ka lakshya haasil karne diya. mohammad shami, Andrew taai aur aal raaundar saim kuren ne kaafi run luta diye jisse mejabaan team ko kaafi nuksaan hua hai aur ab unhein apne kaptaan Ashwin ka sahayog karne ke liye kasi geindabaaji karni hogi jo apni chatur geindabaaji se sheersh ballebaajon ko pareshaan karne ki kaabiliyt rakhate hain. vaheen Rajasthan raayals ki team pichhle match mein jeet darj karne ke baad yahaan aayi hai. Unhonne Mumbai Indians ko uske hi maidaan par chaar wicket se shikast di aur team saat maichon mein do jeet se saatavein sthaan par hai. salaami ballebaaj jos butler ki 43 geind mein 89 run ki paari ne Rajasthan ke 188 run ka lakshya haasil karne mein kaafi aham bhoomika ada ki. Unhein ajinkya rahaane ka bhi sahayog mila jinhonne 37 run aur sanjoo Samson ne 31 run ka yogadaan diya. iske alaava Rajasthan ne ek anya match Bengaluru ke khilaaf jeeta hai jismein bhi butler ne 59 aham run banaaye the. agar butler Rajasthan ki ballebaaji ki majabooti hai to kings eleven Punjab ke paas kris Gale hain jinhonne pichhle match mein Bengaluru ke khilaaf naabaad 99 run ki paari khelkar akele dam par Punjab ko 173 run ka lakshya haasil karaane mein madad ki thi. Punjab ke ek anya salaami ballebaaj lokesh Rahul bhi achhi firm mein hain lekin unki 64 geind mein naabaad 100 run ki paari Mumbai ke khilaaf match mein bekaar chali gayi thi jisne teen wicket ganvaakar 197 run ka lakshya haasil kar liya tha. Punjab ki team haalaanki apne ghareloo maidaan par majaboot rahi hai aur ummeed karegi ki jeet se laya mein vaapasi kar le.

Punjab Ki Nigaahein Rajasthan Ke Khilaaf Jeet Se Laya Haasil Karne Par https://www.angrejinews.com/pic/268046