Pune Ke Khilaaf Humne Prafeshanal Rukh Dikhaayaa Gambhir

Cricket »

Pune Ke Khilaaf Humne Prafeshanal Rukh Dikhaayaa Gambhir

Pune. . Kolkata night Riders team ke kaptaan Gautam gambhir ne kaha hai ki Pune Warriors India ke khilaaf guruvaar ko mili jeet mein unki team ke har ek sadasya ne prafeshanal rukh dikhaaya. Night Riders ne subrat rai sahaara stadium mein Pune Warriors par 46 ranon se jeet haasil ki. Gambhir ne is match mein 50 run banaae aur main of the match bane. Gambhir ne match ke baad kaha, 'Har koi prafeshanal bankar khela. Sabne samajhadaari dikhaai. Geindabaajon aur ballebaajon ne ummeed ke mutaabik kaam kiya. ' gambhir ne kaha ki ab unki team match dar match rananeeti par chal rahi hai. Bakaul kaptaan, 'Ab ham match dar match rananeeti par chal rahe hain. Hamein gunavatta waali cricket khelani hai, kyonki hamaare paas kai stareeya khilaadi hain. ' night Riders 10 ankon ke saath nau teemon ki taalika mein saatavein number par hain jabki Warriors sabse nichle kram par hain. Ye donon hi teemein playoff ki daud se baahar ho chuki hain.

Pune Ke Khilaaf Humne Prafeshanal Rukh Dikhaayaa Gambhir https://www.angrejinews.com/pic/8308