Pulavaama Hamle Ke Baad Bole Uparaashtrapati, 'Sirf Ninda Se Kuchh Naheen Hoga, Pak Ko Sakht Sabak Dene Ki Jaroorat

Breaking »

Pulavaama Hamle Ke Baad Bole Uparaashtrapati, 'Sirf Ninda Se Kuchh Naheen Hoga, Pak Ko Sakht Sabak Dene Ki Jaroorat

Prayaagaraaj Uparaashtrapati vainkaiya Naidu do din pehle Kashmir ke pulavaama mein surakshaabalon ke kaafile par hue fidaayeen hamle aur ismein hui javaanon ki shahaadat se dukhi najar aae. Prayaagaraaj mein shanivaar ko do kaaryakramon ke shirkat ke dauraan na sirf unhonne iske liye Pakistan ko sabak sikhaane ki baat kahi balki anya deshon se bhi sanyukt raashtra suraksha parishad mein is mudde ko uthaane aur Pakistan ko alag-thalag kar sabak sikhaane ki appeal ki. Kumbh nagari mein yuva Kumbh sammelan ke dauraan is mudde par bolte hue uparaashtrapati ne kaha ki, is hamle ki sirf ninda karne se kuchh naheen hoga. Hamein hamla karne vaalon aur is hamle ke liye jimmedaar desh ko bhi sabak sikhaana hoga. Mela kshetr ke paramaarth niketan mein ek kaaryakram ke dauraan kai deshon ke logon ke beech uparaashtrapati ne kaha ki, ham hamesha shaanti aur sauhaard chaahate hain. Humne kabhi kisi desh par hamla naheen kiya. Lekin durbhaagyavash hamaara padosi aatankvaad ko poshan de raha hai. Aise samay mein vishv samudaaya ko ekasaath aakar aise logon ko sabak sikhaana chaahiye, jisse aatankvaad ko poshan dene vaalon par rok lage aur fir iske liye sakht kaarravaai bhi honi chaahiye. Padhein: Shaheedon ke liye uthe haath, bachchon ne di gullak, bujurgon ne peinshan Suraksha parishad se saath aane ki appeal Uparaashtrapati ne kaha ki ham is samasya ke liye kisi baahari ka hastakshep bardaast naheen kareinge. Lekin vishv ko alag-alag deshon mein alag-alag roop mein panap rahe aatankvaad ko dekhna aur ise rokana hoga. Main vishv ke netaaon se appeal karna chaahata hoon ki, vah ek saath aakar aatankvaad ko poshan dene vaalon ko alag-thalag karein. Saath hi suraksha parishad ko iske liye kadam uthaana hoga. Jisse aatankvaad ko badhaava dene vaale logon ko unke anjaam tak pahunchaaya ja sake. Apne daure par unhonne prayaagaraaj ke shaheed mahesh Kumar ko bhi yaad kiya aur kaha ki, ishvar unke parivaar ko is dukh ko sahan karne ki himmat dein.

Pulavaama Hamle Ke Baad Bole Uparaashtrapati, 'Sirf Ninda Se Kuchh Naheen Hoga, Pak Ko Sakht Sabak Dene Ki Jaroorat https://www.angrejinews.com/pic/255241