Pruthveeraaj Chavhaan Ki Kursi Khatre Mein Antony-Patel Ne Sharad Pawar Se Mulaakaat Ki
India » Thursday, June 19, 2014
File photo File photo Nayi Delhi: Maharashtra mein vidhaanasabha chunaavon se pehle netrutv parivartan ki atkalon ke beech Congress ke varishth neta AK Antony aur Ahmad Patel ne guruvaar ko raashtravaadi Congress party (enaseepi) pramukh sharad Pawar se nai Delhi mein unke aavaas par mulaakaat ki. kareeb aadhe ghante chali yeh mulaakaat in atkalon ke beech hui hai ki Maharashtra ke mukhyamantri pruthveeraaj chavhaan ki jagah kisi aur ko mukhyamantri banaaya ja sakta hai. poorv keindreeya gruhamantri evam Maharashtra mein party ke dalit chehare susheel Kumar shinde, raajya ke raajasv mantri baala saaheb thoraat ke alaava krushi mantri raadhaakrushn vikhe Patil ke naam mukhyamantri pad ki daud mein aage chal rahe hain. is beech, Maharashtra ke paryaavaran evam vanamantri patangaraav kadam ne Congress ke varishth netaaon se mulaakaat ki. party mein ek vichaar yeh bhi hai ki vidhaanasabha chunaavon se teen maheene pehle netrutv mein badlaav ke faisale par vichaar kiye jaane ki jaroorat hai. baharahaal, netrutv mein badlaav ke pakshadharon ka kehna hai ki isse kuchh had tak party satta virodhi rujhaan se mukaabala kar sakti hai. Vidhaanasabha chunaavon ke liye seat bantavaare ka mudda bhi ab shuroo hone ko hai.