Promotion Ke Liye Navy Officer Ne Beevi Ko Kiya Seeniyrs Ke Saath Sone Par Majaboor

Breaking »

Promotion Ke Liye Navy Officer Ne Beevi Ko Kiya Seeniyrs Ke Saath Sone Par Majaboor

Kochchi. . Pehle hi corruption aur ghotaalon se daagadaar bhaarateeya sena ke daaman par is baar gambhir daag laga hai. Yaun shoshan ka daag. Bhaarateeya nausena mein tainaat ek lieutenant ki patni ne senior ofisron par yaun shoshan ke aarop lagaae hain. Mahila ne kaha hai ki yah sab uske pati ki rajaamandi se se huaa. Mahila ki shikaayat ke baad kochchi police ne uske pati sahit navy ke 10 ofisron ke khilaaf maamala darj kiya hai. Haalaanki, nausena ne in aaropon ko bebuniyaad bataaya hai. Haarbar police station mein darj karaai gayi shikaayat mein mahila ne aarop lagaae hain ki pichhle 2 maheene se uske pati ne promotion aur kuchh anya faayadon ke liye apne seeniyrs ke saath 'Sone' ke liye majaboor kiya. Mahila ka kehna tha ki jab mainne in sabka virodh kiya to mare pati ne jamkar pitaai ki aur ghanton kamre mein band rakha. Mahila ki shikaayat par police ne uske pati sahit nausena ke 10 ofisron ke khilaaf IPC ki dhaara 498 ke tahat maamala darj kiya hai. Is maamale mein aaropiyon ne haai court mein agrim jamaanat ke liye arji laagai hai. Haai court ne police se is maamale mein vistrut jaankaari dene ko kaha hai. Haalaanki, nausena in aaropon se inkaar kiya hai. Sena ki vigyapti mein kaha gaya hai ki jin ofisron par aarop lagaae gaye hain unhonne apni-apni patniyon ke saath milkar is kapal ke niji jeevan ke matabhed sulajhaane ki koshish ki thi, jo naakaam rahi. Durbhaagyavash mahila ne madad karne vaalon par hi aarop laga diye. Nausena kehna hai ki is maamale mein vah poora sahayog karegi.

Promotion Ke Liye Navy Officer Ne Beevi Ko Kiya Seeniyrs Ke Saath Sone Par Majaboor https://www.angrejinews.com/pic/5199