Priya Ki Faimili Ke Saath Film Dekhne Mein Kya Praublam John

Movies »

Priya Ki Faimili Ke Saath Film Dekhne Mein Kya Praublam John

chandra mohan sharma. . Bataur pradyoosar John Abraham ki pehli hi film 'Viki donar' ko best paupyular film ka naishanal award mila hai. John ki maanein, to vah naishanal award ki trophy ko dekhkar dar jaate hain ki ab aage kya karein. Unhonne hamse apni feelings share keen: 'Viki donar' banaate vakt socha tha ki is film ko naishanal award milega? Us vakt bataur pradyoosar meri sabse badi chinta film ko censor board se oke karaane ke baad release karne ki thi. Shooting ke dauraan industry ke mere kuchh doston ko lagta tha ki sparm donar jaise bold sabjekt par film banaakar main bada risk le raha hoon. Unki baatein sunakar kai baar mujhe bhi lagne lagta tha ki jis sabjekt par hamaari society mein log khulkar baat karne se kataraate hain, kya usi par film banaane ka mera faisala sahi hai. Aap khud hi samajh leejiye ki jab maaind mein aisi baatein chal rahi hon, to award ki naheen, sirf film ko bina kisi pachade ke release karna hi pradyoosar ki pehli teinshan hoti hai. Kuchh aisa hi haal mera bhi tha. Award milne ke baad kaisa laga? Kabhi naheen socha tha ki is film ko har class ki taareefon ke saath-saath naishanal award bhi milega. Ab jab award ki trophy apne paas hai, to yakeen maaniye ki is trophy ko dekhkar main kai baar yahi sochakar dar jaata hoon ki ab aage kya karoon. Aap lakh koshish kar lein, lekin har baar to aapko aisi kahaani naheen mil paati, jo award dilvaana to door har class ki kasauti par khari utar sake. Main is baat ko bhi bejhijhk kabool karta hoon ki jab naishanal award ki trophy aapko milti hai, to yah har vakt aapko is baat ka ehsaas dilaati hai ki agali baar pichhli baar se aur jyaada behtar karna hoga. Bataur nirmaata aage aap aisa kya kareinge, jo yah award fir se aapko mile? Is daud mein main akela to shaamil naheen hoon. Is desh mein har saal saikadon filmein banti hain. Aise mein, har mekar doosaron se hatkar kuchh aisa karna chaahata hai, jo use kaamayaabi aur sammaan dila sake. Shaayad 'Viki donar' ke baad jaane-anajaane main bhi isi race ka hissa ban chuka hoon. Bataur aiktar mujhe aise kirdaar karne hote hain, jo director tay karte hain. Haan, ab main bataur pradyoosar aisi filmein banaane ki koshish karoonga, jinmein kuchh naya aur aisa ho aur jo darshakon ki kasauti par khara utar sake. Aapne Delhi mein film 'Madras kaife' ki shooting poori kar li hai. Kya khaas hai is film mein? 'Madras kaife' ek paulitikl thriller hai. Director sujeet sarkaar ki salaah par humne film ka lamba schedule Delhi ki alag-alag lokeshan par shoot kiya. Mujhe is kahaani mein kaafi dam najar aaya, tabhi mainne is par film banaane ka faisala kiya. Aapki film 'Hamaara Bajaj' ke title ka kya panga hai? Ab sab kuchh setal ho chuka hai aur is praujekt par kaam bhi shuroo ho gaya hai. Pichhle dinon 'Shoot out ait vadaala' ke special sho mein aap apni garlafreind priya runchal ki faimili ke saath pahunche the? Ismein kya praublam hai. Daraasal, priya meri film apne gharwaalon ke saath dekhna chaahati theen, isliye main bhi unke saath hi sho mein pahunch gaya. Mujhe naheen lagta ki ismein kisi ko aitaraaj hona chaahiye. Khabar hai ki film praudakshan ke baad ab aap ek badi aid company shuroo kar rahein hain? Main aid business ke saath kaafi arase se juda hoon. Aane vaale dinon mein is field mein kaafi sambhaavnaaen hain. Filhaal main ek aisi aid company bana raha hoon, jo intaranaishanal standard par 100 feesadi khari utar sake. Pichhle kaafi arase se main is praujekt par kaam kar raha hoon. Is company ke banner tale ham top praudakts ke eksakloosiv aid aur maarketing ka kaam kareinge. Mainne duniya ke pachchees se jyaada behatareen aid filmon ke daayarektars ko aproch kiya hai. Saath hi, main India ke 15 se jyaada top aid daayarektars ke touch mein bhi hoon.

Priya Ki Faimili Ke Saath Film Dekhne Mein Kya Praublam John https://www.angrejinews.com/pic/9019