Prinsi Daayamand Ko Mil Sakte Hai 5 Karod Dollar

Business »

Prinsi Daayamand Ko Mil Sakte Hai 5 Karod Dollar

agency New York ek asaadhaaran 34-kairet ke 'Prinsi' daayamand ko neelaami mein 5 karod dollar tak ki rakam mil sakti hai. Yah daayamand golakunda ki maains se nikaala gaya tha. Duniya ke sabse raison mein shumaar Hyderabad ke antim nijaam ek samay iske maalik rah chuke hain. Kristi ke New York mein auction house mein mangalvaar ko iski neelaami hogi. Prinsi daayamand asaadhaaran taur par 34.65 kairet pink kalar ka kushan-kat vaala daayamand hai. Eksaparts ka kehna hai ki ek vakt par is heere ka maalik Hyderabad ka royal parivaar tha. Kristi ne apne stetameint mein kaha hai ki Hyderabad mugalakaal mein sabse ameer riyaasaton mein gina jaata tha. Is heere ki sabse pehle neelaami 1960 mein 'Prauparti of jeintalamain' ke taur par hui thi. Baad mein pata chala ki khud Hyderabad ke nijaam sar meer usmaan Ali Khan the. Neelaami mein is heere ko vain kleef end aarpels ki London branch ne mahaj 46,000 pound mein khareeda tha. Nijaam ko 1937 mein time maigajeen ne duniya ka sabse ameer vyakti bataaya tha. Company ke peris store mein hui ek party mein is heere ko prinsi naam diya gaya. Ise Baroda ke 14 saal ke prince ke sammaan mein yah naam diya gaya tha. Baroda ke prince ne yah party apni maan mahaaraani seeta devi ke saath ateind ki thi. Gujre 50 saal mein yah pehla mauka hai jabki yah khaas heera neelaami ke liye aaya hai. Isse duniya ke ameeron ke saamane is durlabh heere ko khareedne ka ek sunahara mauka paida huaa hai. Din bhar chalne waali is neelaami mein kareeb 300 jvails hain. Inmein top kvaaliti ke kalard aur kalarales daayamand, reyar jemstons, nechural parls shaamil hain. Ummeed hai ki neelaami ke dauraan is daayamand ke liye log khulkar boli lagaaenge.

Prinsi Daayamand Ko Mil Sakte Hai 5 Karod Dollar https://www.angrejinews.com/pic/5798