Prime Time Intro Nyaayapaalika Ki Nishpakshata Par Bahas

Breaking »

Prime Time Intro  Nyaayapaalika Ki Nishpakshata Par Bahas

File photo File photo Nai Delhi: namaskaar main raveesh Kumar. Kuchh hafte pehle hi to Supreme court ke varishth vakeel gopaal subramanyam kendra sarkaar par aarop laga rahe the ki amit shaah maamale mein rai dene ke kaaran unka naam Supreme court ke judge ki niyukti prakriya se alag kiya gaya hai. Sarkaar kah rahi thi ki aaibi ki report mein pratikool baatein saamane aari hain, isliye aisa kiya gaya hai. tab chhutti se laut kar aate hain Bhaarat ke mukhya nyaayaadheesh Justice aaraem lodha aur is maamale mein bayaan dete hain ki kaaryapaalika yaani sarkaar ne ektarfa tareeke se gopaal subramanyam ka naam alag kiya. Yeh sahi naheen hua. Ve aage kehte hain ki yeh dhaarana mat banaaiye ki nyaayapaalika ki svatantrata se samjhauta hua hai. Mainne hamesha iske liye lada hai aur agar isse samjhauta hua to main sabse pehle kursi chhod doonga. Main ek arab bees karod logon ko vaada karta hoon ki nyaayapaalika ki svantatrata se samjhauta naheen hoga. kise maaloom tha ki chand dinon baad vahi kolejiym kataghare mein hoga aur Bhaarat ke teen-teen mukhya nyaayaadheesh savaalon ke ghere mein. Satta santulan mein naitik bal jiska pradhaan hota hai, vahi us vakt tak pradhaan hota hai. Ab judgeon ki niyukti ke maamale mein paaradarshita ko lekar nyaayapaalika ki jagah sarkaar bayaan de rahi hai ki vah chintit hai. bayaan dene mein kaatajoo saahab ki fitrat par shak karne vaalon ko us samay dhakka pahuncha, jab tabake kaanoon mantri hansaraad Bhardwaj ne sveekaar kar liya hai ki unhonne tatkaaleen cheef Justice of India se Madras haai court ke judge ki sifaarish ki thi. kaatajoo saahab ne ravivaar ko blog likhkar bataaya tha ki is judge par bhrashtaachaar ke kai aarop the aur unke kairiyr record mein aath-aath pratikool tippaniyaan theen, tab bhi raajaneetik dabaav mein Madras High Court ke acting cheef Justice ne un tippaniyon ko samaapt kar edishnal judge niyukt kar diya. Kaatajoo ke anusaar aaibi report ke baad bhi retired cheef Justice laahoti ne divgant Justice ashok Kumar ko ek saal ka eksateinshan diya cheef Justice sabaravaal ne ek aur tarm de diya aur cheef Justice baalaakrushnan ne unki niyukti ko sthaai kar doosare raajya mein tabaadala kar diya. Madras High Court ka ek judge, teen-teen cheef Justice ke kaayarkaal mein pahunch rakhata hai to vivaad kaise naheen hoga. Justice kaatajoo ke blog lekhan mein timing ki durgandh talaashane vaalon ko unke Facebook par jaakar un tamil logon ka shukriya ada karna chaahiye, jinhonne kaatajoo saahab se kaha ki aap Madras High Court ke apne anubhavon par bhi likhein. Kaash in tamil bhaaiyon ne tabhi yaad dila diya hota, jab Manmohan sarkaar ke samay kaatajoo saahab press kaaunsil of India ke Chairman ban rahe the. Tab ye maamala kitna visfotak hota vaise ab bhi kam naheen hai. do dinon se sansad mein hangaama ho raha hai. Eaaideeemake neta DMK ke us mantri ka naam jaanana chaahate hain, jiske dabaav mein divangat judge ko pronnati di gayi. Kaanoonamantri ravishankar prasaad ne apne bayaan mein bhi kaatajoo ki baat ko satyaapit kar diya ki 2003 mein kolejiym ko kuchh etaraaz tha aur tay hua ki is judge ko promote naheen karna chaahiye. UPA shaasan mein peeemao ne safaai maangi ki kyon is judge ka naam prastaavit naheen kiya jaana chaahiye. Kolejiym ne tab bhi mana kar diya, lekin baad mein kaanoon mantraalaya ne kolejiym ko likha ki is case mein kuchh seva vistaar diya ja sakta hai. Dhyaan mein yeh baat rakhiyega ki is maamale mein aaibi report khilaaf hone ke baad bhi kolejiym ne judge banaaya to gopaal subramanyam maamale mein aaibi report sahi naheen hone ke kaaran sarkaar ne judge naheen banane diya. lihaaja ab timing naheen judgeon ki niyukti ki prakriya ka savaal mahatvapoorn hai. BJP ne apne ghoshana patra mein raashtreeya nyaayik aayog ka vaada kiya hai. Mangalvaar ko kaanoon mantri ne kaha ki sarkaar iski sthaapana ko lekar gambhir hai. UPA sarkaar ne Rajyasabha mein August 2013 mein 'The Judicial Appointments Commission Bill' pesh kiya tha. Is vidheyak par usi saal December mein stainding committee apni report de chuki hai. is vivaad ke liye samvidhaan ki kuchh dhaaraaon ko bhi samajhna hoga. - dhaara 124 (2) 217 (1) 222 (1) padh sakte hain, jiske tahat raashtrapati ko judgeon ki niyukti aur tabaadale ka adhikaar diya gaya hai. - in dhaaraaon ke anusaar judgeon ki niyukti ka kaam kaaryapaalika aur nyaayapaalika ka saajha upakram hai. - magar kuchh vyaakhyaaon ke anusaar kaaryapaalika ko nyaayapaalika par sarvochchata haasil hai. 1993 ke ek faisale se yeh vyaakhya palat gayi tab se asahamati ki sthiti mein nyaayapaalika ki rai ko pradhaan maana jaane laga. Stainding committee ne vistaar se in baaton ki sameeksha kar kaha hai ki samvidhaan nirmaataaon ne is maamale mein kaaryapaalika ya nyaayapaalika kisi ko sampoorn vivekaadhikaar naheen diya tha. Ek santulan kaayam kiya gaya tha. samvidhaan mein kolejiym shabd ka zikr tak naheen hai. Magar nyaayapaalika ne dhaara 141 ke vyaakhya ke adhikaar ke tahat yeh matlab nikaal liya ki kolejiym hi judgeon ki niyukti karega. Supreme court ke kolejiym mein cheef Justice of India ke alaava chaar varishth judge hote hain. Stainding committee ke saamane Justice emaen veinkat chelaiya, Justice beeaar Krishna ayyar aur Justice JS varma ne sujhaav diya tha ki national jyudishiyl kamishn banana chaahiye taaki paaradarshi tareeke se niyukti ho. in judgeon ne chinta vyakt ki thi ki haai court ke judgeon ki niyukti ke maamale mein bahut jyaada laubi hoti hai. Kai baar yogya vyaktiyon ko anadekha kiya jaata hai. Khvaamakhaah log kaatajoo saahab ke peechhe pad gaye hain. Unase pehle bhi nyaayadheesh mahodaya aisi baatein kah chuke hain. Laubi hoti hai. Laubeeing hui hai. magar kya vahi raajaneeti apne haath se is ghoshit aghoshit adhikaar kshetr ko jaane degi. Aakhir 24 High Court ke aath sau judgeon ki niyukti ke maamale mein deri to naheen honi chaahiye. Kya raashtreeya nyaayik aayog behtar vikalp hai. Jab Supreme court ke paanch judge milkar vishvasaneeya prakriya naheen bana sake to raashtreeya nyaayik aayog mein aise kaun se surakhaab ke pankh lage honge, jahaan ye sab naheen hoga.

Prime Time Intro Nyaayapaalika Ki Nishpakshata Par Bahas https://www.angrejinews.com/pic/57978