Premi Yugal Ne Khaaya Jahar, Premika Ki Maut

Breaking »

Premi Yugal Ne Khaaya Jahar, Premika Ki Maut

ek samvaadadaata. . Bulandashahar ghar se bhaagakar shaadi rachaane ke baad bhi rishtedaaron ke virodh se tang aakar premi yugal ne shukravaar ko jahar kha liya. 3 ghante tadpane ke baad yuvati ne aspataal mein dam tod diya. Yuvak ki haalat sthir bataai gayi hai. Yuvak uttaraakhand ke rudrapur ke ek gaanv ka nivaasi hai. Police ke anusaar aaropi ne kabool kiya hai ki usane pehle apni premika ko jahar pilaaya aur baad mein jo bacha-khucha tha, usane pi liya. Police ne bataaya ki yuvak ne premika ki hatya kar khud marne ka dhong kiya hai. Guruvaar ki raat syaana gadh rod par behoshi mein yuvak-yuvati ko tadpata dekhkar raahageeron ne unhein aanan-faanan mein syaana sthit seeechasi kendra par bharti karaaya. Yuvati ne ilaaj ke dauraan dam tod diya, jabki yuvak ki haalat sthir hai. Premi pushpeindr ne ladki ke saath Shiv mandir mein shaadi rachaai thi. Yuvak ki rishtedaari syaana mein bataai gayi hai. Bataaya ja raha hai ki ekaaek yuvak ko pata chala ki uske rishtedaaron ne donon ko alag karne ki yojana banaai hai to donon andhere ka faayda uthaakar ghar se bhaag nikle aur raaste mein aakar donon ne jahar kha liya. Ladki ko pehle pilaaya pushpeindr ne bataaya ki usane pehle ladki ko jahar pilaaya aur jo baad thoda-bahut bacha tha, usane pi liya, jisse ladki ne dam tod diya. Yuvak ne bataaya ki 6 din pehle unhonne rudrapur ke ek mandir mein shaadi ki thi. Ve donon pichhle teen saal se ek doosare se pyaar karte the. Yuvak aur yuvati ki biraadari alag-alag hone se unke parijanon ko unki shaadi par aitaraaj tha. Yuvak ne aarop lagaaya hai ki unke parijan unhein maarana chaahate the. Premi badmaash SSP gulaab Singh ne bataaya ki premi pushpeindr jaatav par udhamasinh nagar jile ke kai thaanon mein vaahan chori ke kai mukadame darj hai. Vah 3 baar vahaan ki jail mein bhi rah chuka hai. Usane apni premika ko jahar pilaakar khud marne ka dhong racha. Premi ki haalat mein sudhaar bataaya gaya hai. SSP ne oodhamasinh nagar ke police adhikaariyon ko is baabat jaankaari day di hai.

Premi Yugal Ne Khaaya Jahar, Premika Ki Maut https://www.angrejinews.com/pic/8326