Premi Jode Ne Train Ke Aage Koodakar Jaan Di

India » Saturday, March 30, 2013

S . Hodal : Gaanv banchaari ke paas gochhi dren railway line par ek premi jode ne train ke aage koodakar aatmahatya kar li. Yuvak UP ke jila sultaanapur ka tha, jabki yuvati Delhi ke vivek Bihar ki rahane waali thi. Mrutak ke bhaai suneel ne bataaya ki arjun ghar se 27 March koyah kehkar nikla tha ki vah kisi kaam se baahar ja raha hai aur vah jald vaapas aaega, lekin vah naheen lauta. Shukravaar ko unhein soochana mili ki arjun aur uske saath Delhi nivaasi ek yuvati ka shav railway track par mila hai. Parijan ghatnaasthal pahanuche aur shav ki shinaakht arjun ke roop mein ki. Vaheen yuvati ke parijanon ne bhi shav ki shinaakht ki. Suneel ne bataaya ki arjun Delhi mein ek call center mein naukri karta tha, jabki yuvati 10veen kaksha ki chhaatra thi. Bataaya jaata hai ki donon mein pichhle kaafi dinon se prem prasang chal raha tha, jabki mrutak yuvak shaadeeshuda tha.