Premi Jode Ganga Mein Lagaai Chhalaang

India »

Premi Jode Ganga Mein Lagaai Chhalaang

ek samvaadadaata . Bulandashahar jahar khaakar premi yugal mangalvaar shaam ko ganga mein kood gaye. Gotaakhoron ne unhein chhalaang lagaate dekha to donon ko baahar nikaal liya. Police ne donon ko aspataal mein bharti karaaya aur unke parijanon ko iski jaankaari di. Donon ki haalat sthir bataai gayi hai. Donon nagar kotavaali ke gaanv tataarapur ke rahane vaale hain aur ek hi biraadari ke hain. Pichhle teen saal se unke beech prem prasang chal raha hai. Bataaya gaya hai ki biraadari ek hone ki vajah se unki shaadi naheen ho saki. Shaadi mein naakaamayaab hone par donon ne ek saath marne ka faisala kar liya. Somvaar shaam ko donon ghar se bhaag gaye aur ahaar thaana kshetr mein pahunch gaye. Do dinon tak idhar-udhar apni jaan bachaate hue bhatakate rahe. Jeb mein do-chaar sau rupaye the jo khaane-peene mein kharch ho gaye. Ant mein 50 rupaye bache, jisse marne ke liye dukaan se jahar khareed kar peeya aur ganga nadi mein chhalaang laga di. Lekin donon ko chhalaang lagaate hue private gotaakhoron ne dekh liya. Unhonne donon ko nadi se baahar nikaala aur police ke havaale kar diya. Ahaar police ko premi yugal ne apna pata aur naam bataaya aur behosh ho gaye. Police ne donon ko aspataal mein bharti kara diya aur unke parijanon ne saari baat bata di. Premi yugal ke parijanon ka kehna hai ki donon ke beech biraadari ke lihaaj se bhaai-bahan ka rishta hai. Aisi sthiti mein shaadi hona sambhav naheen hai.

Premi Jode Ganga Mein Lagaai Chhalaang https://www.angrejinews.com/pic/8753