Prashaasanik Sudhaaron Par Kai CM Laaparavaah

India »

Prashaasanik Sudhaaron Par Kai CM Laaparavaah

arun Dixit . Nai Delhi prashaasanik sudhaaron ko lekar raajya sarkaaron ka ravaiya kitna lachar hai iska saboot somvaar ko hom ministri ki or se bulaai gayi mukhyamantriyon ki baithak mein dekhne ko mila. Lok vyavastha aur police sudhaar jaise samvedansheel mudde par charcha ke liye sirf 7 mukhyamantri hi baithak mein pahunche. Aisa naheen hai ki gair Congressi mukhyamantri hi baithak se nadaarad rahe, pramukh Congress shaasit raajyon ke mukhyamantriyon ne aana uchit naheen samjha. Yahi vajah rahi ki baithak maatr saadhe teen ghante mein khatm ho gayi. Raajyon aur kendra ke beech sabse ahm muddon- lok vyavastha aur police par charcha ke liye yah baithak bulaai gayi thi. Dviteeya prashaasanik sudhaar aayog ki lok vyavastha par paanchaveen report par vichaar karne ke liye bane mantri samooh ki salaah par raajya sarkaaron ki rai jaanane ke liye yah meeting rakhi thi. Kaanoon mantri bhi naheen : Kendra ki or se gruh mantri susheel Kumar shinde tatha mantri samooh ke sadasya jayaraam ramesh, veerappa moili, Kapil sibbal, si. Pi. Joshi aur vi. Narayan saami bhi maujood the. Kaanoon mantri ashvini Kumar ki kursi khaali thi. Kahaan rah gaye CM : Gair Congress shaasit pramukh raajyon ke mukhyamantri baithak mein shareek naheen hue. Na Kolkata se mamata Bannerjee aain aur na chennai se jayalalita. Har mudde par kendra ko kataghare mein khada karne vaale Narendra Modi ne bhi baithak mein aane ki jahamat naheen uthaai, vaheen ravivaar shaam tak Delhi mein maujood rahe neeteesh Kumar bhi baithak se door rahe. Punjab ke mukhyamantri prakaash Singh baadal to vigyaan bhavan aakar bhi baithak mein shaamil naheen hue. Karnataka, Jammu Kashmir, uttar pradesh, madhya pradesh, Chhattisgarh ke mukhyamantriyon ne bhi apni jagah apne mantriyon ko bhejkar daayitv poora kar liya. Congressi CM bhi door-door : Congress shaasit raajyon ke mukhyamantriyon ne bhi is baithak se doori banaakar rakhi. Na to Delhi se sate Haryana ke mukhyamantri bhoopendr hudda aur na hi Rajasthan ke ashok gahalot. Maharashtra ke pruthveeraaj chavhaan aur Andhra pradesh ke kiran Kumar Reddy, Himachal pradesh ke veerabhadr Singh, Kerala ke omaan chaandi tatha manipur ke ibobi Singh bhi baithak mein shaamil naheen hue. Kendra ke khilaaf apne talkh bayaanon ke liye charcha mein rahane vaale Orissa ke mukhyamantri naveen patanaayak apni baat kehne ke liye vigyaan bhavan mein maujood the. Unke alaava asam ke tarun gogoi, tripura ke maanik sarkaar, nagaalaind ke nefyoo Rio, meghaalaya ke mukul sangama, arunaachal pradesh ke navam tuki aur uttaraakhand ke vijay bahuguna bhi baithak mein shaamil hue. Sheela ki jagah khanna : Is baithak ko lekar udaaseenata donon hi taraf se dikhi. Jahaan jyaadaatar raajyon ke mukhyamantri naheen pahunche , vahi pradhaanamantri Dr . Manmohan Singh ne bhi khud ko alag rakha. Delhi ki mukhyamantri sheela Dixit ki jagah uparaajyapaal tejendr khanna baithak mein shaamil hue. Enaseeteesi par charcha naheen : Jaisi ki ummeed ki ja rahi thi , is baithak mein vivaadit enaseeteesi par koi charcha naheen hui. Sirf madhya pradesh ke gruh mantri umaashankar gupta ne yah mudda uthaaya aur kaha ki jin muddon par raajya sarkaarein sahamat naheen hain , un par kendra ko jor naheen dena chaahiye. Mukhyamantriyon ki gair maujoodagi ke chalte hi dinbhar chalne waali baithak maatr saadhe teen ghante mein hi khatm ho gayi. Baithak ke baad gruh mantraalaya ke baad ek aupachaarik bayaan diya gaya ki charcha ke dauraan raajyon ki or se jo sujhaav aae hain , un par vichaar kiya jaaega. Uske baad hi aayog ki sifaarishon par amal kiya j aaega.

Prashaasanik Sudhaaron Par Kai CM Laaparavaah https://www.angrejinews.com/pic/5689