Prasav Peeda Jhel Rahi Thi Hindu Mahila, Muslim Auto Rickshawaale Ne Curfew Todkar Pahunchaaya Aspataal

Breaking »

Prasav Peeda Jhel Rahi Thi Hindu Mahila, Muslim Auto Rickshawaale Ne Curfew Todkar Pahunchaaya Aspataal

Hailaakaandi (asam)asam ke hailaakaandi mein curfew ke beech saampradaayik ekta ka ek udaaharan dekhne ko mila. Ek muslim auto rickshawaale ne curfew todte hue prasav peeda jhel rahi hindu mahila ko aspataal pahunchaaya. Hailaakaandi mein do din pehle hui hinsa ke chalte curfew laga hai. Jila police adheekshak mohanesh mishra ke saath hailaakaandi upaayukt keerti jalli mahila nandita aur uske pati rooban das ke ghar pahunchi aur kaha, 'Hamein hindu-muslim ekta ke aise aur udaaharanon ki aavashyakta hai. ' muslim auto rickshawaale ne samay par mahila ko aspataal pahuncha diya tha, jahaan mahila ne ek bete ko janm diya. Bachche ka naam 'Shaanti' rakha gaya hai. Upaayukt keerti jalli ne rooban ke padosi aur auto chaalak makabool se bhi mulaakaat kar unhein apne dost ki madad karne aur jile mein kaayam tanaav ko kam karne ke liye unka shukriya ada kiya. Prasav peeda shuroo hone ke baad rooban ko nandita ko aspataal le jaane ke liye ambulance ki jaroorat thi. Kaheen se bhi koi madad na milne par rooban ke padosi makabool madad ke liye saamane aae aur curfew ki paravaah kiye bina nandita ko sahi samay par aspataal pahunchaaya. Gaurtalab hai ki shukravaar ko hui saampradaayik hinsa mein police ki goleebaari mein ek vyakti ki maut ho gayi thi aur 15 anya ghaayal hue the. Vaheen 15 vaahan aur 12 dukaanein bhi kshatigrast hui theen.

Prasav Peeda Jhel Rahi Thi Hindu Mahila, Muslim Auto Rickshawaale Ne Curfew Todkar Pahunchaaya Aspataal https://www.angrejinews.com/pic/274809