Prajanesh Guneshvaran Ka Kamaal, 5 Saal Mein Mahaj Teesare Bhaarateeya Ne Paaya Yeh Hak

Sports »

Prajanesh Guneshvaran Ka Kamaal, 5 Saal Mein Mahaj Teesare Bhaarateeya Ne Paaya Yeh Hak

Melbourne Bhaarateeya tennis khilaadi prajanesh guneshvaran Australiaee open ke purush singals ke main draw mein jagah banaane mein kaamayaab rahe. Chennai ke 29 saal ke is khilaadi ne teesare aur antim kvaulifaaing match mein Japan ke yosuke vataanuki se pehla set ganvaane ke baad vaapasi karte hue 6-7, 6-4, 6-4 se jeet darj ki. Yeh kaamayaabi hai badi Prajanesh pichhle paanch saal mein kisi grand slam ke singals main draw mein kvaulifaai karne vaale somadev Devburman aur yuki Bhambri ke baad keval teesare bhaarateeya khilaadi hain. Yuki ne 2018 mein ghutne ki chot se poorv chaaron grand slam mein hissa liya tha, jabki somadev 2013 mein ameriki open mein aakhiri baar grandslam ke mukhya daur mein khele the. Is jeet ke baad prajanesh ne kaha, 'Mere liye yeh kaafi badi kaamayaabi hai. Pehli baar kisi grand slam mein kheloonga. Mainne hamesha yeh sapana dekha tha. Main kaafi khush hoon aur ise jaahir karne ke liye shabd naheen hain, lekin yeh nishchit taur par kaafi badi baat hai. ' Kvaulifaaing round mein teen mukaabale jeetne ke liye prajanesh 40,000 Australiaee dollar (lagbhag 20 lakh rupaye) aur Australiaee open ke mukhya varg ka pehle daur ka mukaabala khelne ke liye lagbhag 38 lakh rupaye ki puraskaar raashi ke hakdaar honge, jisse 2019 ke unke season ka jyaadaatar kharch nikal jaaega.

Prajanesh Guneshvaran Ka Kamaal, 5 Saal Mein Mahaj Teesare Bhaarateeya Ne Paaya Yeh Hak https://www.angrejinews.com/pic/247274