Pradhaanamantri Narendra Modi Ne Mantriyon Ko 100 Dinon Ka Agenda Taiyaar Karne Ko Kaha

Breaking »

Pradhaanamantri Narendra Modi Ne Mantriyon Ko 100 Dinon Ka Agenda Taiyaar Karne Ko Kaha

Nai Delhi: pradhaanamantri Narendra Modi ne apne sabhi mantrimandaleeya sahayogiyon se shuruaati 100 din ka 'Time table' taiyaar karne ko kaha hai aur nirdesh diya hai ki ve tay karein ki tarajeehi vishay kya hain aur lambit mudde kaun se hain. pradhaanamantri ki adhyakshata mein aaj kendreeya mantrimandal ki baithak mein ye nirdesh diye gaye. Baithak ke baad sansadeeya kaarya mantri M Venkaiya Naidu ne samvaadadaataaon ko bataaya ki sabhi mantriyon ne apne sambaddh mantraalayon aur vibhaagon ke mudde aur sujhaav Modi ke samaksh rakhe. Modi ne sabki baat sunane ke baad kaha, sabse mahatvapoorn mudda 'Sushaasan' hai. Is par dhyaan dene ki jaroorat hai. Bakaul Naidu Modi ne kaha, doosra mahatvapoorn mudda delivery (nishpaadan) hai. Teesara mahatvapoorn mudda kaaryaanvayan hai. unhonne bataaya ki pradhaanamantri ne jor dekar kaha ki raajyon ki or se aane waali chitthiyon aur jnyaaapanon ko mahatva milna chaahiye. Unka adhyayan kar turant javaab dena chaahiye. Janta ki or se aane waali shikaayaton aur muddon par bhi dhyaan diya jaae aur unke turant samaadhaan ka prayaas kiya jaana chaahiye. Naidu ne kaha, Modi ne sabhi mantriyon ko pehle 100 din ka time table taiyaar karne ko kaha. Unhonne kaha ki kaun se muddon ko tarajeeh deni hai aur kaun se mudde lambit hain, is par dhyaan diya jaae. Inke samaadhaan ka prayaas kiya jaana chaahiye. Raajyon ko saath lekar chalein. Asal sangheeya vyavastha kaayam honi chaahiye. Modi ke das sootri drushtiptr (vijn) ke pariprekshya mein Naidu ne kaha ki pradhaanamantri ne sabhi mantriyon ko salaah di aur maargadarshan kiya. Ham sabhi unki baat ko poora karne ka prayaas kareinge. Desh ko aisa hi sandesh dene ke liye Modi sambhavat: Raashtra ko sambodhit kareinge. Vah sansad ke pehle satr ke baad aisa kar sakte hain. mahangaai ke baare mein kiye gaye ek savaal ke javaab mein unhonne kaha ki svaabhaavik roop se sarkaar ise tarajeeh degi. Anya mudde bhi hain, jin par gambheerta se dhyaan diya jaaega. yeh poochhane par ki Modi apne mantrimandaleeya sahayogiyon ka parichay kab karaaenge, Naidu ne kaha ki raashtrapati ke abhibhaashan ke baad aisa hoga. Samay ke anuroop pradhaanamantri sabka parichay karaaenge. mantriyon se apne rishtedaaron ko staaf mein naheen rakhane ke nirdesh ke pariprekshya mein jab poochha gaya ki kya saansadon ke liye bhi aisa hi koi nirdesh hai, Naidu ne kaha ki saansadon ke liye pehle se hi aise dishaanirdesh hain ki unhein kisi rishtedaar ko staaf mein naheen rakhana chaahiye.

Pradhaanamantri Narendra Modi Ne Mantriyon Ko 100 Dinon Ka Agenda Taiyaar Karne Ko Kaha https://www.angrejinews.com/pic/52114