Pradhaanamantri Narendra Modi Ne Cheeni PM Se Kaha, Bhaarat Ki Videsh Neeti Mein Cheen Ek Praathamikta

Breaking »

Pradhaanamantri Narendra Modi Ne Cheeni PM Se Kaha, Bhaarat Ki Videsh Neeti Mein Cheen Ek Praathamikta

File photo File photo Beijing/nai Delhi: cheen ke pradhaanamantri li kving ne aaj apne bhaarateeya samakaksh Narendra Modi ko phone kar Bhaarat ki nai sarkaar ke saath majaboot saajhedaari sthaapit karne ki ichha jataai. Modi ne kaha ki vah dwipaksheeya sambandhon mein kisi bhi lambit mudde ka samaadhaan karne ke liye cheeni netrutv ke saath najadeek se kaam karne ko utsuk hain. Modi ko pradhaanamantri banane ke baad phone karne vaale li pehle videshi shaasanaadhyaksh hain. Li ki or se Modi ko phone karne se pehle cheen ki sarkaar ne apne videsh mantri vaang yi ko aagaami 8 June ko vishesh doot ke taur par pradhaanamantri Modi aur videsh mantri Sushma Swaraj se mulaakaat karne ke liye bhejane ka faisala kiya. bhaarateeya videsh mantraalaya ke ek pravakta ne bataaya ki donon netaaon ke beech phone par hui 25 minton ki baatcheet ke dauraan li ne sambandhon ke vikaas ke liye Bhaarat ki nayi sarkaar ke saath majaboot saajhedaari sthaapit karne ki apni sarkaar ki ichha se unhein avagat karaaya. li ko unke pehle ke badhaai sandesh ke liye dhanyavaad dete hue Modi ne 'Cheen ke saath rananeetik aur sahayogaatmak saajhedaari ki poori kshamata ka dohan karne ke apne sarkaar ke sankalp ka jikr kiya. Unhonne vikaas ke lakshya ke rananeetik pahaloo aur janta ko deerghakaaleen laabh ke sandarbh mein aage badhte hue dwipaksheeya sambandhon mein kisi bhi lambit mudde ka nivaaran karne ke liye cheen ke netrutv ke saath najadeek se kaam karne ki utsukata jataai. ' Modi ne kaha ki cheen Bhaarat ki videsh neeti mein hamesha 'Praathamikta' raha hai. Unhonne donon deshon ke beech vyaapak aarthik sampark ka svaagat kiya. Donon netaaon ne uchch stareeya sampark ko nirantar kaayam rakhane par bhi sahamati jataai. bhaarateeya pradhaanamantri ne li ke jariye cheen ke raashtrapati shi chinfing ko is saal ke aakhir mein Bhaarat ka daura karne ka nyauta diya. Isse pehle Loksabha chunaav ke parinaam aane ke baad cheen ne Modi ko badhaai di thi. cheen ne Beijing sthit bhaarateeya raajadoot ashok ke kanth ke jariye us vakt Modi ko aupachaarik badhaai bheji thi jab kanth ki seema vivaad maamale par cheen ke vishesh pratinidhi yaang jechi se mulaakaat hui thi. Modi ke shapath lene ke baad li ne unhein aupachaarik roop se badhaai di thi aur kaha tha ki cheen Bhaarat ko ek 'Svaabhaavik sahayogaatmak saajhedaar' ke roop mein dekhta hai aur vah nayi sarkaar ke saath kaam karne ko taiyaar hai taaki rananeetik sahayogaatmak saajhedaari ko nae star tak le jaaya ja sake. li ne kaha, 'Cheen aur Bhaarat ek doosare ke mahatvapoorn padosi tatha duniya ke do ubharate hue baajaar hain. Cheen-Bhaarat sambandh dwipaksheeya daayare se aage badh gaya hai aur vaishvik aur rananeetik mahatva mein tabdeel ho chuka hai. ' Gujarat ke mukhyamantri ke taur par Modi ne chaar baar cheen ka daura kiya. Unke ye daure raajya mein nivesh aakarshit karne ke sandarbh mein the. Cheen dvaara Bhaarat mein kiye gaye 90 karod dollar nivesh ka adhiktam hissa Gujarat ko gaya. cheen ne panchasheel ki 60veen vashargaanth ke mauke par kisi sheersh bhaarateeya neta ki maujoodagi ko lekar pehle hi dilchaspi jata chuka hai. 1954 mein bhaarateeya pradhaanamantri javaaharalaal Nehru aur unke tatkaaleen cheeni samakaksh chaao N laai ne paanch siddhaant ijaad kiye the, jise panchasheel ke naam se jaana jaata hai. cheen ki sarkaar aagaami 28 June ko panchasheel ki 60veen vashargaanth ke mauke par ek samaaroh ka aayojan kar rahi hai. Ismein myaanmaar ka ek uchchastareeya pratinidhimandal bhi shaamil ho sakta hai. Panchasheel ki avadhaarana se myaanmaar bhi juda tha. Isi saal July mein hone vaale briks sammelan mein Modi aur shi chinfing ko mulaakaat ka mauka milega.

Pradhaanamantri Narendra Modi Ne Cheeni PM Se Kaha, Bhaarat Ki Videsh Neeti Mein Cheen Ek Praathamikta https://www.angrejinews.com/pic/52161